مەملەكەت تاراپىنان جاردەماقى الۋعا ءوتىنىش بىلدىرگەن ازاماتتار ەندى بانكتىڭ جەكە سايكەستەندىرۋ كودىن ءوزىنىڭ تىكەلەي قاتىسۋىنسىز اشا الادى. بۇل تۋرالى اشىق تالقىعا شىعارىلعان ۇلتتىق بانك قاۋلىسىندا كورسەتىلگەن، دەپ حابارلايدى Almaty-akshamy.kz Inform.kz-كە سىلتەمە جاساپ.
«جاردەماقىلار مەن الەۋمەتتىك تولەمدەردى تولەۋ ماقساتىندا كليەنت اتىنا جەكە سايكەستەندىرۋ كودىن اشۋ كليەنتتىڭ ۋاكىلەتتى ورگانعا بەرگەن ءوتىنىشى نەگىزىندەگى مالىمەت بويىنشا جۇزەگە اسىرۋىنا جول بەرىلەدى. بۇل قىزمەت كليەنتتىڭ قول قويۋىن تالاپ ەتپەيتىن بانك شوتىن اشۋ تۋرالى وتىنىشىنە تەڭەستىرىلەدى»، - دەپ كورسەتىلگەن قۇجاتتا.
ەندى ازامات مەملەكەت تاراپىنان بەرىلەتىن جاردەماقىنى الۋ ءۇشىن جەرگىلىكتى ۋاكىلەتتى ورگانعا جۇگىنىپ، ءتيستى قۇجاتتاردى تاپسىرادى. تيىسىنشە، ول ۇسىنعان اقپاراتتاردى قۇزىرلى ورگان بانككە جەكە سايكەستەندىرۋ كودىن اشۋ ءۇشىن جولدايدى. وسىلايشا، ازاماتتىڭ بۇل پروسەسسكە تىكەلەي قاتىسىپ، قول قويۋى مىندەتتى بولمايدى. دەگەنمەن، ءوتىنىش ماقۇلدانىپ، جاردەماقى تاعايىندالسا، وندا كليەنت ءوزىنىڭ شوتىنا تۇسكەن اقشانى بىردەن پايدالانا المايدى. ول ءۇشىن ازامات بانكپەن قىزمەت كورسەتۋ شارتىن جاساسۋى قاجەت. وسىدان كەيىن قارجى وپەراسيالارى فۋنكسياسىن قولدانا الادى.