الماتىلىقتار ارداگەرلەردىڭ، جالعىزباستى زەينەتكەرلەردىڭ اۋلاسىن جينادى. مەگاپوليستە «الماتى – ءبىزدىڭ ورتاق ءۇيىمىز» ناۋقانى جالعاسىپ جاتىر.
ناۋقانعا قاتىسقىسى كەلەتىن جانە ۇلەس قوسقىسى كەلەتىن قالا تۇرعىندارىنىڭ ءوتىنىشىنىڭ كوپتىگىنە بايلانىستى جۇمىسپەن قامتۋ جانە الەۋمەتتىك باعدارلامالار باسقارماسى «جاقىنىڭا جاردەم بەر» اكسياسىن وتكىزەدى، دەپ حابارلايدى Almaty-akshamy.kz.
اكسيانىڭ ماقساتى – قالانىڭ جەكە سەكتورىندا تۇراتىن جالعىزباستى زەينەتكەرلەر مەن ەرەكشە قاجەتتىلىگى بار قارت ادامداردىڭ اۋلاسىن تازالاۋعا جانە كوركەيتۋگە كومەك كورسەتۋ.
866 ەرىكتى مەن قالا تۇرعىنى ارداگەرلەر، جالعىزباستى زەينەتكەرلەر، حالىقتىڭ الەۋمەتتىك وسال توپتارى تۇراتىن 114 ءۇيدى رەتكە كەلتىردى.
جەكە ۇيلەردىڭ اۋماعى تازارتىلىپ، قورشاۋلار بويالدى، اعاشتار سانيتارلىق ماقساتتا كەسىلىپ، اعارتىلدى، وسىمدىكتەر جانە ت.ب. وتىرعىزىلدى.
الاتاۋ اۋدانى - 15 ءۇي، 96 ەرىكتى،
تۇركسىب اۋدانى - 13 ءۇي، 98 ەرىكتى،
المالى اۋدانى - 49 ءۇي، 290 ەرىكتى،
جەتىسۋ اۋدانى - 8 ءۇي، 42 ەرىكتى،
بوستاندىق اۋدانى - 6 ءۇي، 37 ەرىكتى،
اۋەزوۆ اۋدانى - 10 ءۇي، 150 ەرىكتى،
ناۋرىزباي اۋدانى - 13 ءۇي، 153 ەرىكتى.
اكسيا جالعاسۋدا، تاعى 93 ءۇيدى قامتۋ جوسپارلانعان.
اكسيا «تازا قازاقستان» رەسپۋبليكالىق ناۋقانى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا وتۋدە.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.