ەكونوميست جاقسىبەك كۇلەكەيەۆ ەلىمىزدى جاڭا باعىتقا جەتەلەيتىن ەكونوميكالىق مودەلدىڭ قاجەتتىگىن ايتتى. ونىڭ پىكىرىنشە، بۇل مودەل ەڭ الدىمەن حالىقتىڭ ءال-اۋقاتىن جاقسارتۋعا باعىتتالۋى ءتيىس.
"اۋىل شارۋاشىلىعى، تۋريزم، بالامالى ەنەرگەتيكا – جاڭا ەكونوميكالىق مودەلدىڭ باسىم باعىتتارى بولۋى كەرەك. سونىمەن قاتار، توعىز جولدىڭ تورابىندا تۇرعان قازاقستان لوگيستيكالىق مۇمكىندىكتەرىن ءتيىمدى پايدالانىپ، حالىقتىڭ الەۋەتىن ارتتىرا الادى،" – دەدى ول.
جاقسىبەك كۇلەكەيەۆ مەملەكەتتىڭ ەكونوميكاعا ارالاسۋىن ازايتۋ قاجەتتىگىن اتاپ ءوتىپ، جاڭا ەكونوميكالىق ساياساتتىڭ باستى ماقساتى نارىقتىق تەتىكتەردى كۇشەيتىپ، ەكونوميكانى ءارتاراپتاندىرۋ بولۋى كەرەكتىگىن جەتكىزدى.