ءبىلىم سالاسىنىڭ ساراپشىسى، ەكس-مينيستر اسحات ايماعامبەتوۆ سوڭعى جىلدارى ەلىمىزدەگى ءبىلىم بەرۋ سالاسىندا جاسالعان رەفورمالار تۋرالى پىكىر ءبىلدىرىپ، جاڭا مەكتەپتەردىڭ اشىلۋىن بولاشاققا سالىنعان ينۆەستيسيا دەپ باعالادى.
"وسىدان التى جىل بۇرىن مۇعالىمدەردىڭ جالاقىسى ەكى-ۇش ەسەگە وسەدى، باستاۋىش سىنىپ وقۋشىلارى تەگىن ىستىق تاماقپەن قامتىلادى، قاراپايىم جۇمىسشى ماماندىق يەلەرى اقوردادان مەملەكەتتىك ماراپات الادى، ۇلتتىق قوردىڭ قاراجاتى بارلىق بالالاردىڭ شوتىنا اۋدارىلادى دەسە، كوپشىلىك بۇعان سەنبەس ەدى. ءبىراق زامان وزگەردى. پرەزيدەنت قاسىم-جومارت توقايەۆ بۇل باعىتتاردى كورسەتىپ قانا قويعان جوق، وعان اپاراتىن ناقتى جولدى سالىپ، ىسكە اسىردى،" – دەدى ول.
اسحات ايماعامبەتوۆتىڭ ايتۋىنشا، ءبىلىم سالاسىنا جاسالعان ينۆەستيسيا – ەلدىڭ تۇراقتى دامۋىنىڭ كەپىلى. ءار جاڭا مەكتەپ – جاس ۇرپاقتى تاربيەلەيتىن، ولاردىڭ بولاشاعىن قالىپتاستىراتىن ماڭىزدى مەكەمە.