جاپونياداعى ءزىلزالادان ءبىر ادام قازا تاپتى

جاپونياداعى ءزىلزالادان ءبىر ادام قازا تاپتى سۋرەت:adyrna.kz

ءبىر ادام قازا تاۋىپ، 22ء-سى زارداپ شەكتى


جۇما كۇنى جاپونيا ورتالىعىنا جاقىن ورنالاسقان اۋدانداردا جانە يسيكاۆا پرەفەكتۋراسىندا 6،5 ماگنيتۋداسىمەن بولعان جەر سىلكىنىسى سالدارىنان 1 ادام قازا تاۋىپ، 22ء-سى زارداپ شەكتى، دەپ حابارلايدى اlmaty-akshamy.kz.


جاپونيا مەتەورولوگيالىق اگەنتتىگىنىڭ (JMA) مالىمەتىنشە، قۋاتتى ءزىلزالا جەرگىلىكتى ۋاقىتپەن ساعات 14:42-دە (گرينۆيچ بويىنشا 05:42) سۋدزۋ قالاسىندا بولدى. قالا يسيكاۆا پرەفەكتۋراسىنداعى نوتو تۇبەگىندە ورنالاسقان.


جەراستى ءدۇمپۋىنىڭ كۇشى سەيسميكالىق قۋاتتىلىقتىڭ جاپونيا شكالاسى بويىنشا 6 بالدى قۇرادى. ايتا كەتەيىك، ماكسيمالدى شكالا – 7. تەربەلىس 12 كم تەرەڭدىكتە ورنالاستى.


جەرگىلىكتى پوليسيا مالىمەتىنشە، جەر سىلكىنىسى سالدارىنان 65 جاستاعى ەر ادام سۋدزۋ قالاسىندا باسپالداقتان قۇلاپ كەتىپ، مەرت بولدى.


سونداي-اق ءۇش ءۇي قيراعان، قيراندىلار اراسىندا قالىپ قويعان ەكى ادام قۇتقارىلدى.


JMA دەرەگىنشە، ساعات 21:58-دە (گرينۆيچ بويىنشا 12:58) نوتو تۇبەگى اۋماعىندا 5،8 ماگنيتۋداسىمەن بىرنەشە جەراستى ءدۇمپۋى تىركەلدى.


مەتەورولگيالىق اگەنتتىك جەر سىلكىنىسى اپتا بويى قايتالانۋى مۇمكىن ەكەندىگىن ەسكەرتتى.


 

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

13:41

12:20

12:18

11:48

11:46

11:07

10:34

18:09

18:06

17:53

17:30

16:50

16:40

16:35

16:31

15:50

15:45

13:17

12:16

12:14

11:39

11:29

10:37

10:15

10:09