ءورت شاتىردان شىققان.
اتىراۋلىق پوليسەيلەر ورتكە ورانعان كوپ قاباتتى ۇيدەن 25 ادامدى ەۆاكۋاسيالادى، دەپ حابارلايدى اlmaty-akshamy.kz.
ق ر ءىىم باسپا ءسوز قىزمەتىنىڭ حابارلاۋىنشا، 5 مامىر كۇنى ساعات 19:32 شاماسىندا اتىراۋلىق پوليسيا قىزمەتكەرلەرىنە 101 ءورت ءسوندىرۋ ارناسىنان قالا اۋماعىندا ورنالاسقان كوپ قاباتتى پاتەرلەردىڭ شاتىرى ورتەنىپ جاتقاندىعى جونىندە حابارلاما كەلىپ تۇسكەن.
اتالعان حابارلاما بويىنشا پوليسيا مايورى قۋانىش بوزاقايەۆ پەن پوليسيا كاپيتانى ەرلان مىرزاگەرەيەۆ اتالعان مەكەنجايعا 4 مينۋتتا جەتكەن.
كەيىن 9-شى قاباتقا پاتەر يەسىمەن بىرگە جەدەل تۇردە كوتەرىلىپ، تۇرعىنداردى ەۆاكۋاسيالاۋعا كەدەرگى كەلتىرىپ قالىڭ قارا ءتۇتىن بۋداقتاپ جاتقان ءورتتى وشىرۋگە كىرىسكەن. ويتكەنى، شاتىردان شىققان ءورت جوعارى قاباتتاعى پاتەرلەردىڭ بالكونىنا ءوتىپ، پاتەرلەر ورتەنە باستاعان. قوس پوليسەي ءقاۋىپتىڭ الدىن الۋعا ارەكەتتەنىپ، دەر كەزىندە پاتەردەگى ءورتتى اۋىزدىقتاپ، 25 تۇرعىندى ەۆاكۋاسيالاپ، ءقاۋىپسىز جەرگە شىعاردى.
كوپ قاباتتى ءۇيدىڭ شاتىرىنداعى ءتىلسىز جاۋدى ءورت سوندىرۋشىلەر 1 ساعات ىشىندە تولىق اۋىزدىقتادى. زارداپ شەككەندەر جوق.