جەرلەۋ ءراسىمى 27 قىركۇيەك كۇنى وتەتىن بولدى.
جاپونيا پرەمەر-مينيسترى فۋميو كيسيدا سيندزو ابەنىڭ جەرلەۋ ءراسىمىن مەملەكەتتىك دەڭگەيدە وتكىزۋ كەرەك ەكەنىن ايتتى، دەپ حابارلايدى Almaty-akshamy.kz Egemen.kz سىلتەمە جاساپ.
جاپونيا ۇكىمەتى 8 شىلدە كۇنى قاراقشىلىق شابۋىلدان قايتىس بولعان ەكس-پرەمەر سيندزو ابەدى جەرلەۋ ءراسىمىن 27 قىركۇيەكتە وتكىزۋ تۋرالى شەشىم قابىلدادى.
كوپتەگەن شەتەلدىك دەلەگاسيالار، سونىڭ ىشىندە مەملەكەت باسشىلارى دا قاتىساتىن ءراسىم توكيوداعى بۋدوكان ارەناسىنداعى يمپەراتور سارايىنىڭ جانىندا وتەدى.
مەملەكەتتىك جەرلەۋدى وتكىزۋدىڭ ناقتى حاتتاماسى جوق. ەكىنشى دۇنيەجۇزىلىك سوعىستان كەيىن ءراسىم 1967 جىلى بۇرىنعى پرەمەر-مينيستر سيگەرۋ ەسيدا قايتىس بولعان كەزدە ءبىر رەت وتكەن.
ايتا كەتسەك، 12 شىلدەدە دجودزەدزي عيباداتحاناسىندا وتباسى مۇشەلەرىنە، جاقىن دوستارى مەن سەرىكتەستەرىنە ارنالعان بۋدديستەردىڭ جەكە جەرلەۋ ءراسىمى ءوتتى.