جاپونيادا جانارتاۋ اتقىلاپ، تىنىق مۇحيتىندا سۋنامي بولدى

210 مىڭ ادام بيىك جەرگە اۋىسۋعا ءماجبۇر بولدى

جەكسەنبى كۇنى تاڭەرتەڭ جاپونيادا تىنىق مۇحيتىنىڭ وڭتۇستىگىندەگى تونگا ارالىندا جانارتاۋ اتقىلاپ، سالدارىنان سۋنامي بولدى. مەتەورولوگيالىق اگەنتتىك تابيعي اپات تۋرالى ەسكەرتۋ جاريالاپ، 210 مىڭ ادام بيىك جەرگە اۋىسۋعا ءماجبۇر بولدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.

Kyodo News  اگەنتتىگىنىڭ مالىمەتىنشە، 3 مەترلىك ءسۋناميدىڭ امامي ارالى مەن سولتۇستىك-شىعىسىنداعى يۆاتە پرەفەكتۋراسىن قوسقاندا، جاپونيانىڭ وڭتۇستىك-باتىسىنداعى كەيبىر ارالدارعا زارداپ كەلتىرۋى مۇمكىن ەكەندىگىن حابارلاعان.

سەنبى كۇنى ءتۇن جارىمىنا تامان امامي قالاسىندا 1،2 مەتر بيىك، جەكسەنبى كۇنى تاڭعى 2:26-دا يۆاتە پرەفەكتۋراسىندا بيىكتىگى 1،1 مەترلىك، ال حوككايدودان كيۋسو مەن وكيناۆاعا دەيىن كىشىگىرىم سۋنامي بايقالعان.

ءورت جانە تابيعي اپاتتارمەن كۇرەس اگەنتتىگىنىڭ حابارلاۋىنشا، اوموري، يۆاتە، مياگي، تيبا، كوتي، ميادزاكي جانە كاگوسيما پرەفەكتۋرالارىندا كەم دەگەندە 210 مىڭ ادامنان جاعالاۋدان كەتۋ سۇرالدى.

ايتا كەتسەك، سوڭعى رەت سۋنامي تۋرالى ەسكەرتۋ 2016 جىلى قاراشادا جاپونيانىڭ سولتۇستىك-شىعىسىندا 7،4 بالدىق جەر سىلكىنىسىنەن كەيىن جاسالعان بولاتىن.