رەسمي توكيو وكىلدەرى قايتا ۆاكسينالاۋدى ماقۇلدادى.
جاپونيانىڭ دەنساۋلىق ساقتاۋ، ەڭبەك جانە ءال-اۋقات مينيسترلىگى سەيسەنبىدە Pfizer كومپانياسى شىعارعان COVID-19 پرەپاراتىن 5 پەن 11 جاس ارالىعىنداعى بالالاردى قايتا ۆاكسيناسيالاۋ ءۇشىن قولدانۋدى رەسمي تۇردە ماقۇلدادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
بۇعان دەيىن بۇل رەسمي توكيو وكىلدەرى 12 جاستان 17 جاسقا دەيىنگى بالالاردى قايتا ۆاكسينالاۋدى ماقۇلداعان بولاتىن.
كۇنشىعىس ەلىندە Moderna، Novavax جانە AstraZeneca كومپانيالارىنىڭ جاڭا كوروناۆيرۋسقا قارسى ۆاكسينالارى رەسمي ماقۇلدانعان. بۇل رەتتە حالىقتى ۆاكسينالاۋ ءۇشىن نەگىزىنەن العاشقى ەكەۋى عانا قولدانىلادى.
شىلدە ايىنىڭ سوڭىندا جاپونيادا COVID-19 اۋرۋىنىڭ كۇندەلىكتى سانى 180 مىڭنان استى. توكيودا جانە باسقا پرەفەكتۋرالاردا، سونىڭ ىشىندە وساكادا جانە فۋكۋوكادا جاعدايلاردىڭ رەكوردتىق سانى تىركەلگەن، ويتكەنى وميكروننىڭ BA.5 كىشى نۇسقاسى ەلدە ءورشىدى.