سيندزو ابەگە بەلگىسىز بىرەۋ وق اتقان بولاتىن.
بۇگىن تاڭەرتەڭ جاپونيانىڭ بۇرىنعى پرەمەر-مينيسترى سيندزو ابەنى بەلگىسىز بىرەۋ اتىپ كەتكەن بولاتىن. ارادا بىرنەشە ساعات وتكەندە ەكس-پرەمەر اۋرۋحانادا كوز جۇمدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇعان دەيىن اقپارات اگەنتتىگى ليبەرال-دەموكراتيالىق پارتيانىڭ بۇرىنعى باسشىسى اۋىر جاراقات العانىن حابارلاعان ەدى.
جاپونيانىڭ حالىقارالىق NHK تەلەارناسىنىڭ حابارلاۋىنشا، ۇگىت-ناسيحات ناۋقانى اياسىندا ەلدىڭ باتىسىنداعى نارا پرەفەكتۋراسىنا كەلىپ، حالىق الدىندا ءسوز سويلەپ تۇرعان سيندزو ابەگە بەلگىسىز بىرەۋ وق اتقان.
ەكس-پرەمەر دەنەسىنە وق ءتيىپ، سول مەزەتتە جەرگە قۇلاپ تۇسكەن. وقيعا جەرگىلىكتى ۋاقىت بويىنشا 11:30-دا بولعان. ءورت ءسوندىرۋ قىزمەتىنىڭ حابارلاۋىنشا، بۇرىنعى پرەمەر-مينيستر اۋرۋحاناعا جەتكىزىلگەن. پوليسيانىڭ اقپاراتىنا سايكەس، كۇدىكتى وقيعا ورنىندا قاماۋعا الىنعان. ول - شامامەن 40 جاستاعى ەر ادام.