جاپونيا ۇكىمەتى سيگەرۋ يسيبا باسشىلىعىمەن تولىق قۇرامدا وتستاۆكاعا كەتتى، دەپ حابارلايدى aqshamnews.kz
21 قازاندا جاپونيا پارلامەنتىنىڭ تومەنگى پالاتاسىندا سايلاۋ وتەدى. داۋىس بەرۋگە ءبىر كۇن قالعاندا جاپونيانىڭ ليبەرالدىق-دەموكراتيالىق پارتياسى (لدپ) مەن «جاپونيانى جاڭارتۋ قوعامى» جاڭا كواليسيا قۇرۋعا كەلىستى. بۇل قادام لدپ ليدەرى ساناە تاكايتيدى سايلاۋ ءۇشىن قاجەت پارلامەنتتىك كوپشىلىكتى قامتاماسىز ەتتى.
بۇعان دەيىن يسيبا وتستاۆكاعا كەتۋ نيەتىن جاريالاپ، مۇنداي كۇتپەگەن شەشىم ءۇشىن ازاماتتاردان كەشىرىم سۇرادى. ول قىزمەتىنەن ايىرىلعىسى كەلمەگەنىن، ءبىراق بۇل شەشىمدى قابىلداۋ ءۇشىن قولايلى ءساتتى كۇتكەنىن ايتتى. پرەمەر ەل بيلىگىنىڭ ساياسي رەفورما تۋرالى زاڭ قابىلدانعانىنا قاراماستان، جاپون حالقىنىڭ مەملەكەتتىك ساياساتقا دەگەن سەنىمىن نىعايتا الماعانىن مويىندادى.