داۋىلدىڭ سالدارىنان كەم دەگەندە بەس ادام قازا تاۋىپ، ونداعان ادام جاراقات الدى.
بيلىك بۇكىل ەل بويىنشا 5،2 ميلليوننان استام ادامدى ەۆاكۋاسيالاپ جاتىر. "شانشان" ءقازىردىڭ وزىندە ايماقتا تىركەلگەن ەڭ قۋاتتى تايفۋنداردىڭ ءبىرى رەتىندە اتالادى.
"ۇلتتىق مەتەورولوگيالىق اگەنتتىكتىڭ مالىمەتى بويىنشا، اپات ايماعىندا سوققان داۋىلدىڭ جىلدامدىعى ساعاتىنا 180 شاقىرىمعا جەتتى. سينوپتيكتەر الداعى بىرنەشە كۇندە "شانشان" كيۋسيۋدە بەلسەندىلىك تانىتادى دەپ بولجايدى، ال دەمالىس كۇندەرى ورتالىق جانە شىعىس ايماقتارعا، سونىڭ ىشىندە ەل استاناسى - توكيوعا دا جاقىندايدى"، دەلىنگەن حابارلامادا.
كيۋسيۋدىڭ كوپتەگەن اۋداندارىندا پويىزدار، اۆتوبۋس جانە پاروم قىزمەتتەرى توقتاتىلدى.
"شانشان" - وسى ايدا جاپونيانى وراپ وتكەن ەكىنشى تايفۋن. تامىز ايىنىڭ باسىندا امپيل تايفۋنى ءبىرقاتار پرەفەكتۋرالاردى جارىقسىز قالدىردى، ول كەزدە دە ونداعان مىڭ ادام ەۆاكۋاسيالاندى.