جاپونيا ازاماتتارىنىڭ بارلىعى بىردەي فاميلياعا يە بولۋى مۇمكىن

زەرتتەۋگە سايكەس، شامامەن 500 جىلدان كەيىن جاپونداردىڭ تەگى (فاميلياسى) ءبىر بولۋى مۇمكىن. 

توحوكۋ ۋنيۆەرسيتەتىنىڭ ەكونوميكا پروفەسسورى حيروسي ءوسيدو جۇرگىزگەن زەرتتەۋگە سەنسەك، جاپونيا ەرلى-زايىپتىلاردىڭ بىردەي فاميليانى تاڭداۋىن تالاپ ەتسە، ءاربىر جاپوندىق 2531 جىلعا قاراي «ساتو-سان» دەگەن فاميلياعا بولادى، دەپ حابارلايدى Almaty-akshamy.kz.

ساتو ءقازىردىڭ وزىندە جاپون فاميليالارى اراسىندا ءبىرىنشى ورىندا تۇر، 2023 جىلى حالىقتىڭ 1،5% وسى فاميليادا بولدى.

ءوسيدانىڭ ەسەپتەۋىنشە، ساتو فاميليالى جاپونداردىڭ ۇلەسى 2022 جىلدان 2023 جىلعا دەيىن 1،0083 ەسە ءوستى جانە 2446 جىلى جاپون حالقىنىڭ جارتىسىنا جۋىعى وسى فاميلياعا يە بولادى.

ال، ەگەر جاپون ۇكىمەتى ەرلى-زايىپتىلارعا ءارتۇرلى فاميليا قولدانۋعا رۇقسات بەرسە، جاعداي باسقاشا بولار ەدى.

جاپونيادا ەرلى-زايىپتىلار نەكەدەن كەيىن قانداي فاميليا قولدانۋ كەرەكتىگىن ءوزى تاڭدايدى، الايدا 95% جاعدايدا تەگىن وزگەرتەتىن — ايەل.

ۇكىمەت نەكەدەن كەيىن ءتولقۇجات پەن جۇرگىزۋشى كۋالىگىندە قىزدىڭ فاميلياسىن قولدانۋعا رۇقسات بەرگەنىمەن جاپونيا — ەرلى-زايىپتىلاردىڭ بىردەي فاميليانى قولدانۋىن تالاپ ەتەتىن الەمدەگى جالعىز ەل.