GGG ءقازىر كومانداسىمەن بىرگە توكيودا
قازاقستاندىق بوكسشى گەنناديي گولوۆكيننىڭ جاپونيادا ريوتا مۋراتامەن وتەتىن جەكپە-جەگى جەرگىلىكتى باق-تىڭ جانە بوكس جانكۇيەرلەرىنىڭ زور قىزىعۋشىلىعىن تۋدىرىپ وتىر. بۇل تۋرالى GGGء-دىڭ پروموۋتەرى توم لەففلەر ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz سايتىنىڭ مالىمەتىنشە، IBF/IBO ورتا سالماقتاعى الەم چەمپيونى گەنناديي گولوۆكيننىڭ WBA Super تيتۋلىنىڭ يەگەرى ريوتا مۋراتامەن جەكپە-جەگى 9 ساۋىردە سايتامادا وتەدى. GGG ءقازىر كومانداسىمەن بىرگە توكيودا. ول جەكپە-جەككە دەيىن سوندا بولادى جانە كارانتين ۋاقىتىن وتكىزەدى.
«بۇل جەكپە-جەك مۇنداعى ايتۋلى وقيعا بولماق. گەننادييدى كوپ جۋرناليست پەن فاناتتارى اۋەجايدان ىستىق ىقىلاسپەن كۇتىپ الدى»، - دەپ جازدى لەففلەر Twitter پاراقشاسىنا.
ەسكە سالساق، بۇعان دەيىن گەنناديي گولوۆكين جەكپە-جەك وتكىزۋ ءۇشىن جاپونياعا اتتانعانى تۋرالى حابارلاعان ەدىك.