جاپوندىق عالىمدار ۆەنەرا عالامشارىنىڭ تىلسىم سىرىن اشۋدا

تىلسىم دۇنيە

جاپون عالىمدارى العاش رەت ۆەنەراداعى تۇنگى اۋا رايىن زەرتتەدى، دەپ حابارلايدى Almaty-akshamy.kz حابار 24-كە سىلتەمە جاساپ.

جاپونيانىڭ توكيو ۋنيۆەرسيتەتىنىڭ عالىمدارى العاش رەت تۇندە ۆەنەراداعى اۋا رايىنىڭ وزگەرۋىن باقىلاي الدى. زەرتتەۋ ءۇشىن Venus Climate Orbiter Akatsuki زوندىنان ينفراقىزىل سۋرەتتەر قولدانىلدى، دەپ حابارلايدى «حابار 24» wi-fi.ru سايتىنا سىلتەمە جاساپ. ۆەنەرا تولىعىمەن تىعىز بۇلتتارمەن كومكەرىلگەنى بەلگىلى. ولاردىڭ استىندا نە بولىپ جاتقانىن ءتۇسىنۋ ءۇشىن توكيو ۋنيۆەرسيتەتىنىڭ عالىمدارى كۇندىز-تۇنى ينفراقىزىل جارىقتىڭ تولقىن ۇزىندىعى ارقىلى بۇلتتاردىڭ قوزعالىسىن قاداعالادى.

اۋەلگى زەرتتەۋلەر ۆەنەرادا اينالۋ كۇشى مىقتى ەكەنىن كورسەتكەن. بۇل - جەردە جوق قۇبىلىس. پلانەتانىڭ بۇكىل مەتەورولوگيالىق جۇيەسى ەكۆاتوردا شىعىستان باتىسقا قاراي اينالادى. اتموسفەرالىق اعىنداردىڭ كۇشى مەن قوزعالىس جىلدامدىعى جەردەگى ەڭ قاتتى داۋىلداردان اسىپ تۇسەدى.

تىڭ عىلىمي ەڭبەك بۇرىن بەلگىسىز بولعان فاكتىنى انىقتادى. سونىمەن، تۇندە ۆەنەرادا جەلدەر قارسى باعىتتا قوزعالا باستايدى. كۇندىز ولار پوليۋسكە، ال قاراڭعىدا ەكۆاتورعا باعىتتالادى.

«مۇنداي كۇرت وزگەرىس سەبەپسىز بولمايدى»، - دەپ اتاپ ءوتتى اۆتورلار.

زەرتتەۋشىلەر اتالعان قۇبىلىس مىقتى اينالۋدى كۇشەيتەدى دەپ سانايدى. جاڭا مالىمەتتەر ونداعى اۋا رايىنىڭ ءدال مودەلدەرىن جاساۋعا مۇمكىندىك بەرەدى. اۆتورلاردىڭ ايتۋىنشا، اۋا رايىن ينفراقىزىل قۇرىلعىلاردىڭ كومەگىمەن زەرتتەۋ ءادىسىن باسقا پلانەتالارعا، مىسالى، مارسقا نەمەسە گاز الىبىنا قولدانۋعا بولادى.

سونداي-اق جەردەگى اۋا رايى قۇبىلىستارىن زەرتتەۋگە پايدالى بولادى.