بارلىعى 600 سايلاۋ ۋچاسكەسى اشىلدى.
داۋىس بەرۋ باستالعاننان ءبىر ساعات وتكەن سوڭ قازاقستان رەسپۋبليكاسى پرەزيدەنتى سايلاۋىنان حابار تاراتۋ جونىندەگى باسپا ءسوز ورتالىعىندا الماتى قالالىق اۋماقتىق سايلاۋ كوميسسياسىنىڭ ءتورايىمى جاننا اسانوۆا سايلاۋداعى بەلسەندىلىك تۋرالى ايتىپ بەردى، دەپ حابارلايدى Almaty-akshamy.kz
بارلىعى 600 سايلاۋ ۋچاسكەسى اشىلدى، ونىڭ التاۋى تاڭعى ساعات 6.00-دە ەسىگىن ايقارا اشتى (اسكەري مەكەمەلەردە)، قالعاندارى تاڭعى ساعات 7.00-دە جۇمىسىن باستادى. 55 سايلاۋ ۋچاسكەسىندە تىركەلمەگەن ادامدار داۋىس بەرە الادى، تاعى ءبىر ەرەكشەلىگى 68 سايلاۋ ۋچاسكەسى سايلاۋشىلار داۋىس بەرگەن بويدا كەز كەلگەن ۋاقىتتا جۇمىسىن توقتاتا الادى. الماتىدا بارلىعى 1 ميلليون 176 مىڭ سايلاۋشى بار.
بارلىعى 8 اۋداندىق جانە ءبىر قالالىق كوميسسيا بار. جاننا اسانوۆانىڭ ايتۋىنشا، تاڭەرتەڭنەن سايلاۋ ۋچاسكەلەرىندە داۋىس بەرۋشىلەردىڭ بەلسەندىلىگى بايقالادى.
«ترەنينگ بارىسىندا تەوريالىق بولىمنەن باسقا، وتكەن ناۋقانداردىڭ تاجىريبەسىنەن قالىپتاسقان كەيستەر پىسىقتالدى. زاڭعا سايكەس، ەگەر سايلاۋشى بيۋللەتەندى ءوز بەتىمەن تولتىرا الماسا، ول سەنىم بىلدىرگەن ادامنىڭ كومەگىن پايدالانۋعا قۇقىلى، ءبىراق ول ادام سايلاۋ كوميسسياسىنىڭ مۇشەسى، ب ا ق وكىلى نەمەسە كانديداتتىڭ سەنىمدى وكىلى بولماۋى ءتيىس»، - دەدى ج.اسانوۆا.
الماتىدا 43 مىڭنان استام مۇمكىندىگى شەكتەۋلى ادام تىركەلگەن، ولار ءۇشىن ينۆاتاكسي جۇمىس ىستەيتىن بولادى، ولاردىڭ جۇمىسىن جەرگىلىكتى اتقارۋشى ورگاندار رەتتەيدى.