16 شەت مەملەكەتتەگى وكىلدىك جانىنان 17 ۋچاسكە اشىلدى.
تاڭعى ساعات سەگىزدەگى مالىمەت بويىنشا، رەسپۋبليكادا 1033 سايلاۋ ۋچاسكەسى جۇمىس ىستەپ تۇر، دەپ حابارلايدى Almaty-akshamy.kz
«وبلىستاردىڭ، رەسپۋبليكالىق ماڭىزى بار قالالاردىڭ، ەلوردانىڭ كوميسسيالارى ۇسىنعان دەرەكتەرگە سايكەس، 2022 جىلعى 20 قاراشادا ەلوردا ۋاقىتىمەن ساعات 8.15-تەگى جاعداي بويىنشا بارلىق وڭىردە 1033 ۋچاسكەدە داۋىس بەرۋ باستالدى»، - دەدى ورتالىق سايلاۋ كوميسسياسىنىڭ حاتشىسى مۇحتار ەرمان.
سونداي-اق قازاقستاننىڭ 16 شەت مەملەكەتتەگى وكىلدىكتەرى جانىنان 17 ۋچاسكە اشىلدى. وسىلايشا پرەزيدەنت سايلاۋىندا بارلىعى 1050 ۋچاسكە جۇمىس ىستەپ تۇر.
جالپى، رەسپۋبليكادا داۋىس بەرۋگە ارنالعان 10 101 ۋچاسكە بار. 53 شەت مەملەكەتتە 68 سايلاۋ ۋچاسكەسى جۇمىس ىستەيدى.