اسىرەسە ايەلدەر اۋىرىپ تۇرسا دا، جۇمىستان قالمايدى.
«قانشا قازاقستاندىق اۋىرىپ تۇرسا دا جۇمىس ىستەيدى؟» دەگەن hh.kz سايتىنداعى ساۋالناماعا 1380 ادام قاتىسقان، دەپ حابارلايدى Almaty-akshamy.kz
ونىڭ 67 پايىزى – ايەل، 45 پايىزى – ەر ادام.
2023 جىلى قازاقستاندىقتاردىڭ جارتىسىنان كوبى (56%) دەنساۋلىق جاعدايىنا قاراماستان جۇمىسىن جالعاستىرعان. اسىرەسە ايەلدەر اۋىرىپ تۇرسا دا، ۋاقىتىن جۇمىستا وتكىزگەن.
ساۋالناما ناتيجەسى بويىنشا دەنساۋلىعىنا قاراماستان كەڭسەگە بارىپ جۇمىس ىستەگەن قىزمەتكەرلەر:
ساتۋ مەنەدجەرلەرى - 71%؛
اكىمشىلىك قىزمەتكەرلەرى (بايلانىس ورتالىعىنىڭ قىزمەتكەرلەرى، اكىمشىلەر جانە ت.ب.) - 61%؛
ماركەتولوگتار - 45%.
رەسپوندەنتتەردىڭ باسىم بولىگى (76%) قالىپقا كەلۋ ءۇشىن قوسىمشا دەمالىس كۇندەرىن قاجەت ەتەدى. ولاردىڭ 43 پايىزى ەكى-ۇش كۇن جەتكىلىكتى دەپ ەسەپتەسە، 23 پايىزى ۇش-بەس كۇن، ال 15 پايىزى ءبىر اپتا دەمالعىسى كەلەتىنىن ايتقان.
بۇدان قازاقستانداعى جۇمىسشىلاردىڭ فيزيكالىق جاعدايى عانا ەمەس، ەموسيونالدىق كۇيىنىڭ ەڭبەك ونىمدىلىگىنە اسەر ەتەتىنىن اڭعارۋ قيىن ەمەس.