جاس بوكسشى جانىبەك الەمدەگى ەڭ مىقتى ستيلدە بوكستاسادى
ورتا سالماقتاعى قازاقستاندىق بوكسشى جانىبەك ءالىمحان ۇلى (10-0، 6 KO) بۇرىنعى الەم چەمپيونى فرانسيالىق حاسسان ندام نجيكاممەن (38-5، 21 كو) بولاتىن جەكپە-جەككە قاتىستى مالىمدەمە جاسادى، دەپ حابارلايدى Almaty-akshamy.kz
حابار 24 cايتىنداعى اقپارتقا سۇيەنسەك، بۇل جەكپە-جەك Top Rank پروموۋتەرلىك كومپانياسى 5 قاراشا لاس-ۆەگاستا ۇيىمداستىراتىن بوكس كەشىندە وتەدى.
قازاق بوكسشىسى تۆيتتەردەگى پاراقشاسىندا الداعى جەكپە-جەكتە ءوزىنىڭ ەرەكشە بوكستاسۋ ءتاسىلىن تىلگە تيەك ەتىپتى.
«مەن وزگەلەردەن ەرەكپىن جانە مۇنى ءبارى بىلەدى. مەنىڭ ءستيلىم باسقا. قازاق ءستيلى – الەمدەگى ەڭ مىقتى ستيل. مۇنى 5 قاراشادا كورسەتەمىن»، - دەپ جازىپتى جانىبەك الەۋمەتتىك جەلىدەگى جازباسىندا.