الماتىدا زاڭسىز كەلىمسەكتەردى تەكسەرۋدە

پوليسيا ەكى كۇندە 340 كەلىمسەكتى جاۋاپقا تارتىپتى.

الماتى پوليسياسى زاڭسىز كەلىمسەكتەرگە قاتىستى ءىس-شارا جۇرگىزۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.

جەدەل الدىن الۋ ءىس-شاراسى شاھاردا زاڭسىز جۇرگەن ادامداردى انىقتاۋعا، سونداي-اق قالاداعى كوشى-قون ارنالارىن توقتاتۋعا باعىتتالعان. ءىس-شارا اياسىندا پوليسەيلەر كەلىمسەكتەردىڭ ۋاقىتشا تۇراتىن جەرلەرىن، قۇرىلىس الاڭدارىن، جەرتولەلەردى، سونداي-اق ازاماتتاردىڭ جاپپاي جينالاتىن جەرلەرىن – بازارلاردى، تەمىرجول ماڭىنداعى اۋماقتاردى، كولىك تۇراقتارىن، ساياجايلار مەن وندىرىستىك ايماقتاردى تەكسەرۋدە.

«ەكى كۇندىك رەيد كەزىندە ق ر كوشى-قون زاڭناماسىن بۇزعان 507 قۇقىق بۇزۋشى انىقتالدى جانە جاۋاپكەرشىلىككە تارتىلدى، ولاردىڭ 340-ى - شەتەل ازاماتتارى. سوت شەشىمىمەن كورشى مەملەكەتتەردىڭ 44 ازاماتى ەلدەن شىعارىلدى»، – دەيدى الماتى قالالىق پوليسيا دەپارتامەنتى كوشى-قون قىزمەتى باسقارماسى باستىعىنىڭ ورىنباسارى گەنناديي مەن.

سونداي-اق، سپيكەر شەتەلدىكتەردىڭ قر-دا بولۋىنىڭ زاڭدىلىعىن قامتاماسىز ەتۋ شارالارىن قابىلداماعانى ءۇشىن قازاقستاننىڭ 145 لاۋازىمدى جانە زاڭدى تۇلعالارى اكىمشىلىك جاۋاپكەرشىلىككە تارتىلعانىن اتاپ ءوتتى.

سونىمەن قاتار، شەتەلدىك جۇمىس كۇشىن تارتۋ ەرەجەسىن بۇزعانى ءۇشىن 22 جۇمىس بەرۋشى جاۋاپقا تارتىلدى.