WBO ۋاقىتشا بەلبەۋىن جەڭىپ العان بولاتىن
دۇنيەجۇزىلىك بوكس ۇيىمى (WBO) قازاقستاندىق جانىبەك ءالىمحانۇلىنا (12-0، 8 كو) قۋانىشتى جاڭالىق جاريالادى، دەپ حابارلايدى Almaty-akshamy.kz Sports.kz-كە سىلتەمە جاساپ.
WBO رەسمي تۇردە امەريكالىق بوكسشى دەمەتريۋس اندرادەگە (31-0، 19 كو) ورتا سالماقتاعى بەلبەۋىن قورعاۋدى بۇيىردى. ەگەر ول باس تارتسا، جانىبەك ءالىمحان ۇلى اۆتوماتتى تۇردە «ۋاقىتشا» الەم چەمپيونى اتاعىنان «تولىققاندى» چەمپيون دارەجەسىنە يە بولادى. ءالىمحان ۇلى مامىر ايىندا بريتاندىق دەنني ديگنۋمدى (14-1-1، 8 كو) ەكىنشى راۋندتا نوكاۋتقا ءتۇسىرىپ، WBO ۋاقىتشا بەلبەۋىن جەڭىپ العان بولاتىن. اندرادەگە كەلەتىن بولساق، ول دا مامىر ايىندا رينگكە ورالىپ، يرلانديالىق زاك پاركەرمەن (22-0، 16 كو) جۇدىرىقتاسۋى كەرەك ەدى، ءبىراق جاراقات الىپ، جەكپە-جەك وتپەي قالدى.