21 شىلدەگە ارنالعان اۋا رايى بولجامى
سينوپتيكتەر ەلىمىزدىڭ التى وبلىسىندا قۇبىلمالى اۋا رايى ورىن الاتىنىن ەسكەرتەدى: اپتاپ ىستىقتا نايزاعاي ويناپ، كەيبىر ەلدى-مەكەندەردە بۇرشاق ءتۇسۋى مۇمكىن، دەپ حابارلايدى Almaty-akshamy.kz.
كۇندىز 23 شىلدەدە تۇركىستان وبلىسىنىڭ باتىسىندا جانە شولەيتتى اۋداندارىندا وتە قاتتى ىستىق بولادى دەپ كۇتىلەدى: + 45°C. تۇركىستان قالاسىندا دا كۇندىز وتە قاتتى ىستىق: +45°C.
21-22 شىلدەدە سولتۇستىك قازاقستان وبلىسىنىڭ سولتۇستىگىندە، شىعىسىندا نايزاعاي ويناپ، كۇندىز بۇرشاق تۇسەدى، داۋىل تۇرادى دەپ كۇتىلەدى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان تۇسەدى. سولتۇستىك-باتىستان، باتىستان 15-20 م/س جىلدامدىقپەن جەل سوعادى، ءوڭىردىڭ سولتۇستىگى مەن شىعىسىندا جەلدىڭ ەكپىنى 23 م/س جەتەدى.
پەتروپاۆلدا 21 شىلدەدە تۇندە، 22 شىلدەدە كۇندىز نايزاعاي ويناپ، سولتۇستىك-باتىستان، باتىستان 20 م/س جىلدامدىقپەن جەل سوعادى.
21 شىلدەدە تۇندە اباي وبلىسىنىڭ سولتۇستىك-باتىسىندا، سولتۇستىگىندە، كۇندىز باتىسى مەن ورتالىقتالىعىندا، شىعىسىندا نايزاعاي وينايدى دەپ كۇتىلەدى. كۇندىز وبلىستىڭ باتىسىندا بۇرشاق تۇسەدى دەپ بولجانادى. وبلىستىڭ باتىسىندا، ورتالىعىندا، سولتۇستىگىندە وڭتۇستىك-شىعىستان وڭتۇستىك-باتىسقا ويىسا سوققان جەلدىڭ ەكپىنى 15-20 م/س، كەي تۇستا 23 م/س جەتەدى.
سەمەيدە نايزاعاي وينايدى دەپ كۇتىلەدى. وڭتۇستىك-شىعىستان وڭتۇستىك-باتىسقا ويىسا سوققان جەلدىڭ نايزاعاي كەزىندەگى ەكپىنى 15-20 م/س جەتۋى مۇمكىن.
كۇندىز شىعىس قازاقستان وبلىسىنىڭ باسىم بولىگىندە نايزاعاي وينايدى دەپ كۇتىلەدى. ءوڭىردىڭ سولتۇستىك-باتىسىندا، سولتۇستىگىندە، وڭتۇستىگىندە وڭتۇستىك-شىعىستان 15-20 م/س جىلدامدىقپەن جەل سوعادى، كۇندىز ەكپىنى 23 م/س جەتەدى.
وسكەمەندە نايزاعاي وينايدى دەپ كۇتىلەدى. وڭتۇستىك-شىعىستان سوققان جەلدىڭ نايزاعاي كەزىندەگى ەكپىنى 20 م/س-قا دەيىن جەتەدى.
21 شىلدەدە قىزىلوردا وبلىسىندا سولتۇستىك، سولتۇستىك-باتىستان جەل سوعادى، كۇندىز وبلىس ورتالىعىندا سوققان جەلدىڭ ەكپىنى 15-20 م/س قۇرايدى. قىزىلوردادا كۇندىز + 42...+44°C دەيىن قاتتى ىستىق بولادى دەپ كۇتىلەدى، سايكەسىنشە ءوڭىردىڭ باسىم بولىگىندە توتەنشە ءورت ءقاۋپى ساقتالادى.
كۇندىز جەتىسۋ وبلىسىنىڭ باسىم بولىگىندە قاتتى ىستىق كۇتىلەدى. +35...+ 38°C. كۇندىز 22-23 شىلدەدە وبلىستىڭ باسىم بولىگىندە وتە قاتتى ىستىق بولادى: +40...+41°C.
تالدىقورعاندا كۇندىز +36...+38°C دەيىن قاتتى ىستىق بولادى دەپ كۇتىلەدى.
كۇندىز باتىس قازاقستان وبلىسىنىڭ باتىسىندا نايزاعاي ويناپ، بۇرشاق تۇسەدى دەپ كۇتىلەدى. سولتۇستىك-باتىستان وڭتۇستىك-باتىسقا ويىسا سوققان جەلدىڭ ەكپىنى 15-20 م/س جەتۋى مۇمكىن.
تۇندە اقتوبە وبلىسىندا سولتۇستىك-شىعىستان، شىعىستان جەل سوعادى، ەكپىنى 15-20 م/س جەتەدى، كۇندىز وبلىستىڭ وڭتۇستىگىندە +35°C قاتتى ىستىق بولادى دەپ كۇتىلەدى.
ماڭعىستاۋ وبلىسىنىڭ سولتۇستىك-باتىسىندا نايزاعاي وينايدى دەپ كۇتىلەدى. ءوڭىردىڭ باتىسىندا، وبلىس ورتالىعىندا شاڭدى داۋىل تۇرادى. كۇندىز وبلىستىڭ باسىم بولىگىندە +42°C دەيىن قاتتى ىستىق ساقتالادى.
سينوپتيكتەر اقتاۋدا شاڭدى داۋىل بولادى دەپ بولجايدى. سولتۇستىك، سولتۇستىك-شىعىستان سوققان جەلدىڭ ەكپىنى 15-20 م/س قۇرايدى.