جانىبەك ءالىمحان ۇلى بۇرىنعى الەم چەمپيونىن نوكاۋتقا جىبەردى

جەكپە-جەك سەگىزىنشى راۋندتا اياقتالدى

قازاقستان بوكسشىسى جانىبەك ءالىمحان ۇلى (10-0، 6 كو) لاس-ۆەگاستاعى (اقش، نيەۆادا شتاتى) بوكس كەشىندە رينگكە شىقتى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.

جانىبەك ءالىمحان ۇلى (10-0، 6 كو) بۇل جولى فرانسيالىق حاسسان ندام نجيكاممەن (38-5، 21 كو) قولعاپ ءتۇيىستىردى.

ورتا سالماقتا وتكەن جەكپە-جەك ون راۋندقا ەسەپتەلگەن. الايدا سەگىزىنشى راۋندا جانىبەك ءالىمحان ۇلى قارسىلاسىن تەحنيكالىق نواۋتپەن جەڭدى. فرانسۋز بوكسشىسى ءۇشىنشى راۋندتا نوكداۋن العان ەدى.

وسىلايشا جانىبەك ءالىمحان ۇلى كاسىپقوي بوكستا 11 مارتە جەڭىسكە جەتتى. WBO Global چەمپيونى تيتۋلىن قورعاپ قالدى. WBA Regular، WBO Interim جانە WBC Silver نۇسقالارى بويىنشا بۇرىنعى الەم چەمپيونى فرانسۋز حاسسان ندام نجيكام كاسىپقوي كارەراسىندا التىنشى رەتى جەڭىلدى.

جانىبەك ءالىمحان ۇلى 1993 جىلى 1 ساۋىردە دۇنيەگە كەلگەن. اۋەسقوي بوكستا 2013 جىلى الەم جانە ازيا چەمپيونى اتاندى.

ال 2014 جىلى ازيا ويىندارىندا جەڭىس تۇعىرىنان كورىندى.

كاسىپقوي بوكستا 2016 جىلدان بەرى سىنعا ءتۇسىپ كەلەدى.

ون جەكپە-جەگىنىڭ بارلىعىندا جەڭىسكە جەتتى. ونىڭ التاۋى نوكاۋتپەن اياقتالدى.