ەلىمىزدەگى قالالاردىڭ باسىم كوپشىلىگىندە مەتەورولوگيالىق احۋال ءبىرقالىپتى
بۇگىن قازاقستاننىڭ كوپتەگەن قالالارىندا مەتەورولوگيالىق جاعداي قولايلى بولادى، دەپ حابارلايدى Almaty-akshamy.kz.
«قازگيدرومەت» رمك باسپا ءسوز قىزمەتى تاراتقان مالىمەتتە 21 قاراشا كۇنى ەلىمىزدەگى قالالاردىڭ باسىم كوپشىلىگىندە مەتەورولوگيالىق احۋال ءبىرقالىپتى بولاتىنى كورسەتىلگەن.
تەك الماتى، شىمكەنت، وسكەمەن، سەمەي جانە ريددەر قالالارىندا اۋا ساپاسى ءبىرشاما ناشارلايدى.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.