جاندىكتەر قاراڭعىدا نەلىكتەن جارىققا ۇيمەلەيدى؟

بەلگىلى بولعانى، قاراڭعىدا جاندىكتەر جارىققا ۇمتىلمايدى ەكەن. 

فلوريدا حالىقارالىق ۋنيۆەرسيتەتى مەن لوندوننىڭ يمپەريال كوللەدجىنىڭ عالىمدارى زەرتحانادا دا، يت تۇمسىعى وتپەيتىن نۋ جىنىس ورماندا دا (دجۋنگليدە) جاساندى جارىقتىڭ اينالاسىنداعى جاندىكتەردىڭ ۇشۋ باعىتىن انىقتاۋ ءۇشىن جىلدامدىعى جوعارى 3D كامەرالارىن پايدالاندى. بۇل جايىندا islam.kz پورتالى Nature Communications مەرزىمدى باسىلىمىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

بەلگىلى بولعانداي، جاندىكتەر جارىققا ۇمتىلمايدى، جارىق بار بوعانى ولاردى باعىتىنان جاڭىلدىرادى، دالىرەگى، ناۆيگاسيالىق جۇيەسىنە كەدەرگى كەلتىرەدى. گراۆيتاسياعا ارقا سۇيەي الماي قالاتىندىقتان جاندىكتەر جارىق ماڭىنان ۇزاپ كەتە المايدى. ەۆوليۋسيا بارىسىندا جاندىكتەر تابيعاتتاعى جارىق كوزى - اسپانعا جوتاسىن بەرۋدى ۇيرەنگەن. تىك قالپىندا قالۋى ءۇشىن. ال كەشكى جارىق بۇل جۇيەدەن اداستىرادى. عالىمدار بۇل تاراپتا جاندىكتەردىڭ 10 ءتۇرى قامتىلعان 477 بەينەنى ءتۇسىردى. شىنىندا دا، بارلىق تۇرلەر ۇشقان كەزدە جارىقتى تۋ سىرتىندا ۇستاۋعا تالپىناتىنىن انىقتادى.