قالامىزدا سوڭعى تاۋلىكتە 353 ناۋقاس تىركەلگەن، وسىلاي ىندەت جۇقتىرۋدىڭ تاۋلىكتىك ءوسىمى 0،4 پايىزعا جەتتى.
الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «كۆي جۇقتىرعاندار سانىنىڭ وسۋىنە بايلانىستى الماتىداعى ەپيدەميولوگيالىق جاعداي» تاقىرىبىنداعى ونلاين باسپا ءسوز ءماسليحاتىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين وسىلاي ءمالىم ەتتى، دەپ حابارلايدى Almaty-akshamy.kz
سپيكەردىڭ ايتۋىنشا، جىل باسىنان وسى ۋاقىتقا دەيىن الماتىدا 56 مىڭنان استام كوروناۆيرۋس ىندەتىن جۇقتىرۋ تىركەلگەن.
«ماۋسىم ايىندا قالامىزدا 4573 ىندەت جۇقتىرۋ انىقتالدى. سوندىقتان مەملەكەتتىڭ باس سانيتارىنىڭ 26 ماۋسىمداعى №19 قاۋلىسى بويىنشا، شەكتەۋ شارالارى كۇشەيتىلدى. ىندەتتىڭ دامۋى سوڭعى اپتالاردا 2،1 ەسەگە ءوستى، 1142 -دەن 2377 -گە دەيىن ارتتى. سوڭعى تاۋلىكتە 353 ناۋقاس تىركەلگەن، تاۋلىكتىك ءوسىم 0،4 پايىزعا جەتتى»، -دەدى قالانىڭ باس سانيتارى.