ماۋسىم ايىندا 4 573 جاعداي تىركەلگەن.
الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا سويلەگەن سوزىندە سوڭعى ەكى اپتادا مەگاپوليستە كۆي دەرتى 1143-تەن 2377 جاعدايعا دەيىن وسكەنىن ايتتى، دەپ حابارلايدى Almaty-akshamy.kz/
سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قالا تۇرعىندارىنان جاعدايدى ۋشىقتىرماۋ ءۇشىن بەلگىلەنگەن شەكتەۋلەردى ساقتاۋدى سۇرادى.
جانداربەك بەكشيننىڭ ايتۋىنشا، سوڭعى تاۋلىكتە الماتىدا كۆي-دىڭ 305 جاعدايى تىركەلگەن.
«الماتىدا 17 ماۋسىمنان باستاپ ەپيدەميولوگيالىق جاعداي بارىنشا كونتاگيوزدى مۋتاسيالانعان جاڭا «دەلتا» شتامىنىڭ تارالۋىنا بايلانىستى كۇردەلەنە ءتۇستى. وتكەن اپتادا پتر ناتيجەلەرى الدىڭعى 7 كۇندەگى 130-عا قاراعاندا تاۋلىگىنە 215-كە دەيىن ءوستى»، – دەدى قالانىڭ باس سانيتارلىق دارىگەرى.
ول بيىلعى جىلى مەگاپوليستە ءقازىردىڭ وزىندە 56 مىڭنان استام ۆيرۋس جۇقتىرعانداردىڭ، ونىڭ ىشىندە ماۋسىم ايىندا 4 573 جاعدايدىڭ تىركەلگەن ايتتى. 2021 جىلدىڭ ءبىرىنشى جارتىجىلدىعىندا دەرت وتكەن جىلدىڭ وسى كەزەڭىمەن سالىستىرعاندا 10 ەسەگە ارتقان.