قالامىزداعى ەپيداحۋالدىڭ ناشارلاعانى جاسىرىن ەمەس. ءبىراق وسى جاعدايعا كوز جۇما قارايتىن، ءمان بەرمەيتىن جەرلەستەرىمىز كوپ.
بۇگىن وتكەن «اعىمداعى ەپيدەميولوگيالىق جاعداي جانە COVID-19-دىڭ تارالۋىن الدىن الۋ شارالارى» اتتى ونلاين باسپا ءسوز ءماسليحاتىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين وسىلاي دەدى، دەپ حابارلايدى Almaty-akshamy.kz
«تامىزدىڭ 10-12 ارالىعىندا اۋرۋدىڭ ءورشۋىنىڭ جوعارى كورسەتكىشى بايقالادى. ءالى دە تىعىلىپ جاسايتىن توي توقتاعان جوق، ۆاكسينانى دا ازاماتتارىمىز تولىق الىپ بىتكەن جوق. رەستوران مەن تۇنگى كلۋبقا باراتىن جاستار اراسىندا اۋرۋ جۇقتىرۋ كوپ. كوپشىلىك ورىنعا ماسكاسىز بارۋ، ارا قاشىقتىق ساقتاماۋ اۋرۋدى ودان سايىن كوبەيتىپ وتىر. باقىلاۋدى كۇشەيتىپ-اق وتىرمىز، ءبىراق حالىقتىڭ سانى كوپ، باقىلاۋشى بارلىق جەرگە بىردەي جەتە بەرمەيدى. سوندىقتان دا حالىقتان تەك قانا سانالى تۇردە تيىلۋدى سۇرايمىن»، -دەدى باس سانيتار.