جەكسەنبىگە ارنالعان اۋا رايى بولجامى.
«قازگيدرومەت» رمك-سى قىركۇيەكتىڭ 12ء-سى كۇنگى اۋا رايى بولجامىن جاريالادى، دەپ حابارلايدى Almaty-akshamy.kz.
كاسىپورىن تارتقان مالىمەتتەرگە قاراعاندا، 12 قىركۇيەكتە شىعىس جارتى شاردا جانە سولتۇستىك ايماقتاردا، سونداي-اق وڭتۇستىك-شىعىستىڭ تاۋلى اۋداندارىندا جاڭبىر جاۋىپ، نايزاعاي وينايدى.
ەلىمىزدىڭ باتىس جارتىسىندا انتيسيكلون جوتاسىنىڭ اسەرىنەن اۋا رايى نەگىزىنەن جاۋىن-شاشىنسىز بولادى. تۇندە جانە تاڭەرتەڭ سولتۇستىك جانە ورتالىق ايماقتاردا تۇمان تۇسەدى.
قازاقستاننىڭ شىعىس جارتىسى مەن سولتۇستىك وڭىرلەرىندە جەل سەكۋندىنا 15-20 مەترگە دەيىن كۇشەيەدى. سولتۇستىك قازاقستان وبلىسىنىڭ شىعىسىندا نايزاعاي وينايدى، جەل سەكۋندىنا 15-20 مەتر، كۇندىز ەكپىنى 23-28 م/س-كە دەيىن كۇشەيەدى. پاۆلودار وبلىسىندا كۇندىز ەكپىنى جەل 15-20 م/س سوعادى.
جامبىل وبلىسىنىڭ تاۋلى اۋداندارىندا نايزاعاي ويناپ، بۇرشاق جاۋادى. تۇندە تۇمان، كۇندىز وبلىستىڭ وڭتۇستىك-باتىسىندا، باتىسىندا جەل سەكۋندىنا 15-20 مەترگە دەيىن كۇشەيەدى.
تۇندە سولتۇستىگىندە، كۇندىز شىعىس قازاقستان وبلىسىنىڭ باسىم بولىگىندە نايزاعاي وينايدى، جەل سەكۋندىنا 15-20 مەتر جىلدامدىقپەن كۇشەيەدى. ورتالىقتا جەلدىڭ كۇشى 15-20 م/س بولادى. قاراعاندى وبلىسىنىڭ سولتۇستىگىندە، ءسولتۇستى-باتىسىندا تۇمان تۇسەدى، ەلدىڭ سولتۇستىگىندە، شىعىسىندا جانە ورتالىعىندا جەل 15-20 م/س جىلدامدىقپەن سوعادى.
اقمولا وبلىسىنىڭ سولتۇستىگىندە تۇندە جانە تاڭەرتەڭ، وڭتۇستىك-شىعىسىندا تۇمان تۇسەدى، تۇندە جانە كۇندىز سولتۇستىگىندە، وڭتۇستىك-شىعىسىندا جەل 15-20 م/س-قا دەيىن كۇشەيەدى. تۇندە جانە تاڭەرتەڭ وبلىستىڭ سولتۇستىگىندە، سولتۇستىك-باتىسىندا تۇمان تۇسەدى، كۇندىز سولتۇستىگىندە جەل 15-20 م/س جىلدامدىقپەن سوعادى.
تۇندە اقمولا وبلىسىنىڭ وڭتۇستىك-باتىسىندا، قوستاناي، سولتۇستىك قازاقستان وبلىستارىنىڭ باتىسىندا، اقتوبە وبلىسىنىڭ سولتۇستىگىندە، قاراعاندى وبلىستارىنىڭ سولتۇستىگىندە، شىعىسىندا 2 گرادۋس ۇسىك جۇرەدى.
الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە، قوستاناي وبلىستارىنىڭ باسىم بولىگىندە، قاراعاندى وبلىسىنىڭ باتىسىندا، باتىس قازاقستان وبلىسىنىڭ سولتۇستىك-شىعىسىندا جانە وڭتۇستىگىندە، شىعىس قازاقستان وبلىسىنىڭ وڭتۇستىگىندە توتەنشە ءورت ءقاۋپى ساقتالادى.