التاي اينابەك ارال سۋىن شىنىمەن بۇلت شاقىرىپ مولايتتى ما – قازگيدرومەت قورىتىندىسى
التاي اينابەك ارال تەڭىزىن مولايتۋ ماقساتىندا بۇلت شاقىرىپ، جاڭبىر جاۋدىرۋ ارەكەتىن جاساعانى تۋرالى مالىمدەمەلەر بولدى. الايدا، قازگيدرومەت ماماندارى بۇل ارەكەتتەردىڭ تيىمدىلىگىنە كۇمان كەلتىردى. ولار ايماقتاعى جاۋىن-شاشىننىڭ تابيعي سەبەپتەردەن بولعانىن جانە قولدان جاڭبىر تۋىنداتۋ مۇمكىن ەمەستىگىن مالىمدەدى.
بۇۇ بۇل تۋرالى نە دەيدى؟
بۇۇ-نىڭ دۇنيەجۇزىلىك مەتەورولوگيالىق ۇيىمىنىڭ (WMO) اۋا رايىنا اسەر ەتۋ سالاسىن زەرتتەيتىن ساراپشىلارى يونداۋ تەحنولوگياسىن زەرتتەگەن. سول زەرتتەۋدىڭ بايانداماسىندا "يونداۋ ارقىلى جاۋىن-شاشىن شاقىرىلدى" دەلىنگەن وقيعالاردىڭ ەشقايسىسى باقىلاۋلارمەن دە، اۋماق بويىنشا ساندىق مودەلدەۋمەن دە راستالماعانى مالىمدەلگەن.
«ارالعا جاۋاتىن جاڭبىر 10 كۇن بۇرىن بولجانعان»
سينوپتيكالىق تالداۋلار 2024 جىلدىڭ مامىر-شىلدە ايلارىندا قازاقستان اۋماعىندا سيكلوندىق بەلسەندىلىك باسىم بولعانىن كورسەتكەن. بۇل ارالعا جاۋعان جاڭبىرلاردىڭ تابيعي قۇبىلىستارمەن بايلانىستى ەكەنىن ايقىندايدى.
«ارالدىڭ اسپانىندا قولدان جاڭبىر تۋىنداتۋ مۇمكىن ەمەس»
قازگيدرومەت ماماندارى ارال ءوڭىرى سياقتى شولەيتتى اۋماقتىڭ اتموسفەراسىنان قولدان جاڭبىر تۋىنداتۋ مۇمكىن ەمەس ەكەنىن ايتادى. سونىمەن قاتار، جاۋاپ اۆتورلارى وزبەكستان تاراپىنىڭ قازاقستانعا سىرداريا ارقىلى 3،7 ملرد تەكشە مەتر سۋ بەرۋگە كەلىسكەنىن ەسكە سالادى.
وسىلايشا، التاي اينابەكتىڭ بۇلت شاقىرىپ جاڭبىر جاۋدىرۋ ارقىلى ارال تەڭىزىن مولايتقانى تۋرالى مالىمدەمەلەرى عىلىمي دالەلدەنبەگەن جانە تابيعي قۇبىلىستارمەن بايلانىستى ەكەنى انىقتالعان.