س.ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىندە «الماتى – ءبىزدىڭ ورتاق ءۇيىمىز» ەكولوگيالىق اكسياسى ءوتتى
تابيعاتتىڭ، تىرشىلىكتىڭ جانە رۋحاني جاڭارۋدىڭ سيمۆولى ناۋرىز مەرەكەسى تەك توي-دۋمانمەن عانا ەمەس، ەل يگىلىگىنە ارنالعان يگى ىستەرمەن دە جالعاسىپ جاتىر.
س.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ باسشىلىعى، پروفەسسورلىق-وقىتۋشىلىق قۇرامى جانە ستۋدەنتتەرى «جاڭارۋ كۇنى» ءبىلىم ورداسىنىڭ اينالاسىن تازالاپ، سەنبىلىك وتكىزدى. بۇل شارا ەلىمىزدە وتكىزىلىپ جاتقان «الماتى – ءبىزدىڭ ورتاق ءۇيىمىز» ەكولوگيالىق ناۋقانى اياسىندا ۇيىمداستىرىلىپ وتىر.
تازالىق جۇمىستارىنا ەرەكشە بەلسەندىلىك تانىتقان بولاشاق دارىگەرلەر قولدارىنا تىرما، سىپىرتقى، كەتپەن الىپ، وقۋ ورنىنىڭ اۋماعىن رەتكە كەلتىردى. قىزدار اۋماقتى سىپىرىپ، جىگىتتەر جينالعان قوقىستاردى ارنايى قاپتارعا سالدى. سەنبىلىككە قاتىسۋشىلاردىڭ ايتۋىنشا، قورشاعان ورتانىڭ تازالىعى – قوعامنىڭ دەنساۋلىعىنا تىكەلەي اسەر ەتەتىن ماڭىزدى فاكتور.
بۇل شارا ستۋدەنتتەر اراسىندا ەكولوگيالىق مادەنيەتتى قالىپتاستىرۋعا، تۋعان جەرگە دەگەن سۇيىسپەنشىلىكتى ارتتىرۋعا جانە جاۋاپكەرشىلىكتى سەزىنۋگە ۇلكەن ىقپال ەتەدى. ءبىلىم الۋشىلاردى قولداۋ جانە دامىتۋ دەپارتامەنتىنىڭ باسشىسى شەرمەت شەرزات روزمەت ۇلى ستۋدەنتتەردىڭ بەلسەندىلىگىن ەرەكشە اتاپ ءوتتى:
– س.ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ (قازۇمۋ) ستۋدەنتتەرى مەن وقىتۋشىلارى ۇيىمداستىرعان ءىس-شارا – تەك تازالىق شاراسى عانا ەمەس، قورشاعان ورتانى قورعاۋعا دەگەن جاۋاپكەرشىلىكتىڭ ايقىن كورىنىسى. بۇل سەنبىلىك تەك تازالىق جۇمىستارى عانا ەمەس، سونىمەن قاتار ۇرپاقتىڭ بويىنا قورشاعان ورتاعا دەگەن جاناشىرلىقتى ءسىڭىرۋدىڭ ءبىر جولى. ۋنيۆەرسيتەتىمىزدە ەكولوگيالىق مادەنيەتتى قالىپتاستىرۋعا ەرەكشە كوڭىل بولىنەدى. مۇنداي شارالار ستۋدەنتتەردىڭ تۋعان جەرىنە دەگەن سۇيىسپەنشىلىگىن وياتىپ، پاتريوتتىق رۋحىن نىعايتا تۇسەدى، - دەيدى ول.
ستۋدەنتتەر وقۋ ورنىنا تيەسىلى اۋماقتى عانا ەمەس، قالا كوشەلەرىن، جاياۋ جۇرگىنشىلەر جولىن، ارىق جۇيەلەرىن دە تازالادى. بۇل اكسيا تەك قانا تازالىق جۇمىستارىمەن شەكتەلمەي، جاستارعا ەكولوگيالىق تاربيە بەرىپ، تابيعاتتى ايالاۋ مەن قورشاعان ورتاعا دەگەن جاۋاپكەرشىلىكتى قالىپتاستىرۋعا سەپتىگىن تيگىزدى. ۋنيۆەرسيتەت ۇجىمى الداعى ۋاقىتتا دا ەكولوگيالىق ءىس-شارالارعا بەلسەنە قاتىسىپ، قالامىزدىڭ كوركەيۋىنە ءوز ۇلەسىن قوسا بەرمەك.