«Almaty Clean&Green» سەنبىلىگىندە جاپپاي اعاش وتىرعىزۋ جانە قالانى تازارتۋ شارالارى وتەدى
2025 جىلدىڭ 23 ناۋرىزىندا الماتىدا «تازا قازاقستان» باعدارلاماسى مەن «الماتى – ءبىزدىڭ ورتاق ءۇيىمىز» كامپانياسى اياسىندا قالانى كەڭ كولەمدە تازارتۋ بويىنشا «Almaty Clean&Green» ەكولوگيالىق اكسياسى وتەدى. بۇل شارا ناۋرىزناما مەرەكەسى اياسىندا اتاپ وتىلەتىن تازارۋ كۇنىنە ورايلاستىرىلعان، دەپ حابارلايدى aqshamnews.kz
سەنبىلىك بۇكىل قالا اۋماعىندا وتەدى جانە قوعامدىق كەڭىستىكتەردى، دەمالىس ايماقتارىن، ساياباقتاردى، سكۆەرلەر مەن اۋلالاردى قامتيدى. ءىس-شارانىڭ نەگىزگى بولىگى رەتىندە جاپپاي اعاش وتىرعىزۋ جوسپارلانعان، وندا تۇرعىندار قالانى كوگالداندىرۋعا ءوز ۇلەستەرىن قوسا الادى.
الماتى اكىمدىگى سەنبىلىككە قاتىسۋشىلارعا قاجەتتى بارلىق قولداۋدى كورسەتىپ، اعاش كوشەتتەرىن، سونداي-اق تازالاۋ جانە وتىرعىزۋ قۇرالدارىن (قولعاپتار، قاپتار، كۇرەكتەر مەن تىرمالار) ۇسىنادى. جينالعان قوقىس پوليگونعا تاسىمالدانىپ، ءارى قاراي قايتا وڭدەۋگە جىبەرىلەدى.
سەنبىلىك 23 ناۋرىز كۇنى تاڭعى 9:00-دە باستالادى جانە قالانىڭ بىرنەشە نەگىزگى ورىندارىندا وتەدى:
نەگىزگى ورىندار:
- بورالداي وزەنى بويىنداعى كورىنىس الاڭى: كارتادا كورۋ
- ەسەنتاي وزەنى جاعالاۋى (ءال-فارابي داڭعىلىنان جاماقايەۆ كوشەسىنە دەيىن): كارتادا كورۋ
- كوكمايسا سكۆەرى: كارتادا كورۋ
قالا تۇرعىندارىنىڭ قولايلىلىعى ءۇشىن ابايا – بايتۋرسىنوۆ داڭعىلى بويىنان سەنبىلىك وتەتىن نەگىزگى ورىندارعا دەيىن ارنايى اۆتوبۋستار ۇيىمداستىرىلادى.
جەرگىلىكتى سەنبىلىكتەر:
- الاتاۋ اۋدانى – بورالداي وزەنى بويىنداعى گابيوندار ماڭى (شاڭىراق-2 ىقشاماۋدانى)
- المالى اۋدانى – دۇيسەنوۆ كوشەسى، روزىباكييەۆ كوشەسىنەن باتىسقا قاراي
- اۋەزوۆ اۋدانى – شالوۆ كوشەسى بويىمەن، پروكوفيەۆ كوشەسىنىڭ جاياۋ جۇرگىنشىلەر ايماعى
- بوستاندىق اۋدانى – «وڭتۇستىك» ساياباعى
- جەتىسۋ اۋدانى – جانگەلدين اتىنداعى سكۆەر
- ناۋرىزباي اۋدانى – اباي داڭعىلى بويىمەن
- تۇركسىب اۋدانى – س. سەيفۋللين اتىنداعى ساياباق، اۋعان ارداگەرلەر سكۆەرى
شارا اياسىندا ءتۇرلى قىزىقتى ءارى تانىمدىق باعدارلامالار ۇيىمداستىرىلادى:
- ميني-كونسەرتتەر
- ەكولوگيا جانە كوشە ونەرى بويىنشا شەبەرلىك ساباقتارى
- ەكولوگيالىق ۆيكتورينالار مەن سىيلىقتار ۇتىسى
- ۇلتتىق ويىندار: ارقان تارتۋ جانە توعىزقۇمالاق
سونىمەن قاتار، سەنبىلىككە قاتىسۋشىلارعا قاۋىپسىزدىك تەحنيكاسى جانە اعاش وتىرعىزۋ ەرەجەلەرى بويىنشا قىسقاشا نۇسقاۋلىق بەرىلەدى.