تاراز ۆوكزالىندا جوندەۋ جۇمىستارىن جۇرگىزۋ ءبىراز جىل جوسپارلانعان بولاتىن
تاراز قالاسىنداعى تەمىرجول ۆوكزالى جوندەۋدەن كەيىن جولاۋشىلار ءۇشىن ەسىگىن ايقارا اشتى، Almaty-akshamy.kz «قازاقستان تەمىر جولى» ۇك» اق باسپا ءسوز قىزمەتىنە سىلتەمە جاساپ.
تاراز ۆوكزالىندا جوندەۋ جۇمىستارىن جۇرگىزۋ ءبىراز جىل جوسپارلانعان بولاتىن. جوسپار 2021 جىلى جۇزەگە اسىرىلدى. ۆوكزال عيماراتىنىڭ ىشكى قابىرعالارى، قاسبەتى مەن شاتىرى جاڭارتىلىپ، جىلۋ، سۋ جانە ەلەكترمەن جابدىقتاۋ جۇيەلەرى، جولاۋشىلار ءۇشىن كۇتۋ ايماقتارى كەڭەيتىلىپ، جوندەلدى. ۆوكزالدا تۇرعىنداردىڭ جۇرۋگە قاۋقارى از توپتارى ءۇشىن جاعداي جاسالعان. ەكىنشى قاباتتا ايماق تاريحى كورسەتىلگەن تاقىرىپتىق ينستاللياسيا ورناتىلعان.
«جاڭاجىلدىق مەرەكە كۇندەرى ەلىمىزدىڭ بارلىق ۆوكزالدارى شتاتتىق رەجيمدە جۇمىس ىستەدى جانە جۇمىس ىستەۋدە. ۆوكزال قىزمەتكەرلەرى جولاۋشىلاردىڭ مەرەكەلىك كوڭىل كۇيى، ولاردىڭ قاۋىپسىزدىگى مەن جايلىلىعى، اقپاراتقا قولجەتىمدىلىگى جانە جولدا قيىندىقتارعا ۇشىراپ قالماس ءۇشىن بارلىعىن جاسايدى»، - دەلىنگەن حابارلامادا.
«قتج» ۇك» اق تەمىرجول كولىگىندەگى قاۋىپسىزدىك شارالارىن ساقتاۋ بويىنشا الدىن الۋ ءىس-شارالارىن تۇراقتى نەگىزدە جۇرگىزەدى. باقىلاۋ مەرەكە كۇندەرى جانە مەكتەپ دەمالىسى كەزىندە كۇشەيتىلەدى. بيىل مەرەكەلىك دەمالىس كەزىندە تەمىرجولشىلار كولىك پوليسياسى قىزمەتكەرلەرىمەن جانە كۇزەت قىزمەتىمەن بىرلەسىپ پروفيلاكتيكالىق قاۋىپسىزدىك رەيدتەرىن وتكىزدى. قاۋىپتىلىگى جوعارى ايماقتاردا انىقتالعان ءقاۋىپسىز مىنەز-قۇلىقتى بۇزۋشىلارمەن ءتۇسىندىرۋ سۇحباتتارى جۇرگىزىلدى.
«سونىمەن قاتار، اshyq قوسىمشاسى ارقىلى ۆوكزال عيماراتتارىنا وتۋگە تىرىسقان «سارى» مارتەبەسى بار ەكى ادام انىقتالدى. 2021 جىلعى 1 شىلدەدەن باستاپ، ءدال وسى ساتكە دەيىن ۆوكزالداردا اshyq قوسىمشاسى پايدالانىلىپ، «قىزىل» جانە «سارى» مارتەبەسى بار (سايكەسىنشە 518 جانە 251) 769 ادام انىقتالدى»، - دەلىنگەن حابارلامادا.
«قتج» ۇك» اق ازاماتتاردان اباي بولۋدى، قاۋىپسىزدىك ەرەجەلەرىن قاتاڭ ساقتاۋدى جانە تەمىر جولعا قاۋىپتىلىگى جوعارى نىسان رەتىندە قاراۋدى سۇرايدى.
بەيتاراپ QR-كودتىڭ كومەگىمەن اshyq.kz سايتىندا ورنالاستىرىلعان وسى باعدارلامانى قولدايتىن جانە باسقا قوسىمشالارداعى ءوز مارتەبەڭىزدى الدىن الا تەكسەرىپ الۋ قاجەت.