قازاقستاندا اتوم ەلەكتر ستانسياسىن (اەس) سالۋ ماسەلەسىنە قاتىستى ءتۇرلى پىكىرلەر ايتىلۋدا. كەيبىر ازاماتتار بالامالى ەنەرگيا كوزدەرىن (كۇن مەن جەل) دامىتۋعا باسىمدىق بەرۋدى ۇسىنىپ وتىر. الايدا جاڭارتىلاتىن ەنەرگيا كوزدەرىن پايدالانۋ ءالى بىردە-بىر ەلگە تولىق ەنەرگەتيكالىق شەشىم اكەلمەگەنىن اتاپ وتكىم كەلەدى.
قازىرگى ۋاقىتتا گەرمانيا اتوم ەنەرگەتيكاسىنان تولىق باس تارتتى، ءبىراق بۇل ولارعا كومىردى كوبىرەك پايدالانۋعا ءماجبۇر ەتتى. ەلەكتر ەنەرگياسىن ءوندىرۋ ءۇشىن ەڭ ءتيىمدى ءادىس – قوڭىر كومىر جاعۋ بولىپ وتىر. كومىر ەلەكتر ستانسيالارىن پايدالانۋ شىعىندارىنىڭ ەداۋىر بولىگى كومىرقىشقىل گازىن شىعارۋ كۆوتالارىنا تولەم جاساۋ قاجەتتىلىگىمەن بايلانىستى.
گەرمانياداعى كۇن مەن جەل ەلەكتر ستانسيالارىنىڭ ۇلەسى شامامەن 47%-دى قۇراسا دا، بۇل ەنەرگيانى ەكونوميكاعا ءتيىمدى ەنگىزۋ قيىن ءارى قىمباتقا تۇسەدى. وسىعان بايلانىستى اۋىر ونەركاسىپ ورىندارى اقش پەن قىتايعا كوشىپ جاتىر، سەبەبى بۇل ەلدەردە اتوم ەنەرگەتيكاسى ەلەكتر ەنەرگياسىنىڭ باعاسىن تومەندەتۋگە مۇمكىندىك بەرەدى.
حالىقارالىق تاجىريبە كورسەتكەندەي، قازاقستان ءۇشىن ەڭ ءتيىمدى شەشىم – اتوم ەلەكتر ستانسياسىن سالۋ. بۇل تەك تۇراقتى ەنەرگيا كوزىن عانا ەمەس، سونىمەن قاتار ەلدىڭ ەنەرگەتيكالىق قاۋىپسىزدىگىن قامتاماسىز ەتەدى دەپ ەسەپتەيمىن.