ەكى ايدا قازاقستاننان جانارمايدى زاڭسىز اكەتپەك بولعان 300-گە جۋىق ادام ۇستالدى
بيىلعى 31 قاڭتاردان باستاپ قازاقستان اۋماعىنان جانار-جاعارماي ونىمدەرىن زاڭسىز الىپ كەتۋدىڭ 288 فاكتىسىنىڭ جولى كەسىلگەن. بۇل تۋرالى ق ر قم مەملەكەتتىك كىرىستەر كوميتەتىنىڭ باسپا ءسوز قىزمەتىندە ءمالىم ەتتى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
«قازاقستان رەسپۋبليكاسىنىڭ اۋماعىنان بەنزيندى، ديزەل وتىنىن جانە مۇناي ونىمدەرىنىڭ كەيبىر تۇرلەرىن اۆتوموبيل كولىگىمەن اكەتۋگە تىيىم سالىنعان ساتتەن باستاپ مەملەكەتتىك كىرىستەر ورگاندارىمەن مۇناي ونىمدەرىن ءۇشىنشى ەلدەرگە زاڭسىز اكەتۋدىڭ 94 فاكتىسى انىقتالعان، ولار بويىنشا سوتپەن 1،5 ملن. تەڭگەدەن استام ايىپپۇل سالىنىپ جانە 2 341 ليتر بەنزين مەن 25 335 ليتر ديزەل وتىنى تاركىلەندى»، - دەلىنگەن كوميتەت حابارلاماسىندا.
ەاەو مەملەكەتتەرىمەن شەكارادا 63 مىڭ ليتردەن استام (63820 ل) جانار-جاعارماي ونىمدەرىن شىعارۋدىڭ 194 فاكتىسى انىقتالدى.
«ق ر قم مەملەكەتتىك كىرىستەر كوميتەتى جوعارىدا كورسەتىلگەن تىيىم (31.01.2023ج.) كۇشىنە ەنگەن كۇننەن باستاپ ەلەكتروندىق دەكلاراسيالاۋدىڭ «استانا-1» اقپاراتتىق جۇيەسىندە مۇناي ونىمدەرىن كەدەندىك دەكلاراسيالاۋعا جول بەرمەۋ ءۇشىن ءتيىستى شارالاردى قابىلداعان» - دەلىنگەن حابارلامادا.
وسى شەكتەۋگە قاتىستى اكىمشىلەندىرۋ جۇمىستارى تۇراقتى نەگىزدە التى ايلىق تىيىم سالۋ كەزەڭىندە جۇزەگە اسىرىلادى.