جانار-جاعارمايدى اكەتۋگە تىيىم سالىنادى

بەنزين، ديزەل وتىنى، باسقا دا مۇناي وڭدەۋ ونىمدەرىنىڭ جەكەلەگەن تۇرلەرىنە شەكتەۋ ەنگىزىلدى. 

رەسپۋبليكا اۋماعىنان جانار-جاعارماي ماتەريالدارىن كولىكپەن اكەتۋگە 4 ايعا تىيىم سالىنادى، دەپ حابارلايدى Almaty-akshamy.kz مەملەكەتتىك كىرىستەر كوميتەتىنە سىلتەمە جاساپ.

"مەملەكەتتىك كىرىستەر كوميتەتى سىرتقى ەكونوميكالىق قىزمەتكە قاتىسۋشىلاردىڭ، تاسىمالداۋشىلاردىڭ، ەكسپەديتورلاردىڭ، كەدەن وكىلدەرىنىڭ جانە باسقا دا مۇددەلى تۇلعالاردىڭ نازارىنا "قازاقستان رەسپۋبليكاسىنىڭ اۋماعىنان مۇناي ونىمدەرىن اكەتۋدىڭ كەيبىر ماسەلەلەرى تۋرالى" بىرلەسكەن بۇيرىققا سايكەس، مايلاۋ مايلارىن قوسپاعاندا (ەاەو سەق تن 2710 19 820 0، 2710 19 840 0، 2710 19 860 0، 2710 19 880 0، 2710 19 920 0، 2710 19 940 0، 2710 19 980 0، 3403 19 900 0، 3403 91 000 0)، كولىكتىڭ بارلىق تۇرلەرىمەن بەنزيندى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن (ەاەو سەق تن 2710، 3403، 3811، 3826 00) قازاقستان رەسپۋبليكاسىنىڭ اۋماعىنان اكەتۋگە 4 اي مەرزىمگە تىيىم سالىناتىنىن جەتكىزەدى"، - دەلىنگەن حابارلامادا.

كوميتەتتىڭ حابارلاۋىنشا، بىرلەسكەن بۇيرىق العاشقى رەسمي جاريالانعان كۇننەن كەيىن كۇنتىزبەلىك 10 كۇن وتكەن سوڭ قولدانىسقا ەنەدى.

"وسىعان وراي اتالعان تاۋارلاردى رەسپۋبليكادان تىس جەرلەرگە اكەتۋ جونىندەگى قىزمەتتى جۇزەگە اسىرۋ كەزىندە كورسەتىلگەن تىيىمدى ساقتاۋ قاجەتتىگىنە نازار اۋدارۋدى سۇرايمىز"، - دەپ مالىمدەدى مەملەكەتتىك كىرىستەر كوميتەتى.