جايلى تۇرۋدى قامتاماسىز ەتۋ - قالانى دامىتۋدىڭ باسىمدىقتارىنىڭ ءبىرى.
قالا اكىمى اۋدانعا قوسىلعان جاڭا اۋماقتاردا بازالىق الەۋمەتتىك ينفراقۇرىلىم جوق، دەپ اتاپ ءوتتى، دەپ حابارلايدى Almaty-akshamy.kz
مۇزتاۋ، كولساي، سۇلۋساي جانە كەڭساي شاعىن اۋداندارىندا سۋمەن جابدىقتاۋ ورتالىقتاندىرىلماعان جانە سۋ كوزى جوق.
ەلەكترمەن تۇراقتى قامتاماسىز ەتۋ، اسىرەسە كەڭساي مەن كامەنسكوە پلاتو شاعىن اۋداندارىندا وزەكتى ماسەلەلەردىڭ ءبىرى بولىپ قالا بەرەدى، دەپ اتاپ ءوتتى قالا اكىمى ەربولات دوسايەۆ.
ەلەكتر جەلىلەرىن قايتا قۇرۋ جۇمىستارى جۇرگىزىلۋدە. جىل سوڭىنا دەيىن 11 ترانسفورماتورلىق قوسالقى ستانسيا مەن 35 كم ەلەكتر جەلىسىن قايتا قۇرۋ جوسپارلانۋدا.
ناتيجەسىندە كەڭساي جانە كامەنسكوە پلاتو شاعىن اۋداندارىندا ەلەكترمەن قامتاماسىز ەتۋ 60% - دان 85% - عا دەيىن ارتادى.
قالعان قامتىلماعان ۋچاسكەلەر بويىنشا شىلدە ايىنىڭ سوڭىنا دەيىن تەحنيكالىق اۋديت جۇرگىزىلەدى. ناتيجەسىندە ەسكى تاراتۋ جانە ترانسفورماتورلىق قوسالقى ستانسيالاردى جاڭاسىنا اۋىستىرۋ ءۇشىن قارجىلاندىرۋ ماسەلەلەرى قارالادى.