پەدياتريا جانە بالالار حيرۋرگياسى عىلىمي ورتالىعىنىڭ نارەستەلەرگە ارنالعان انەستەزيولوگيا، رەانيماسيا جانە قارقىندى تەراپيا ءبولىمى كۇردەلى جوندەۋدەن كەيىن قايتا اشىلدى، دەپ حابارلايدى Almaty-akshamy.kz.
ءبولىم 2020 جىلى مامىر ايىندا كۇردەلى جوندەۋگە جابىلعان ەدى. قازىرگى ۋاقىتتا جەدەل ەمدى قاجەت ەتەتىن سابيلەر قاجەتتى ەم-شارالارىن الىپ، وپەراسيالار جوسپارلى تۇردە جۇرگىزىلۋدە.
جاڭارتىلعان بولىمدە لامينارلى اۋا اعىنى بار تازا بولمەلەر كەشەنى بار. بۇل جۇيە كىشكەنتاي ناۋقاستاردى ينفەكسيالىق اۋرۋلاردان جۇقتىرۋدى ساقتايدى جانە جاڭا تۋعان نارەستەلەردىڭ تەز ساۋىعۋىنا ىقپال ەتەدى.
رەسپۋبليكالىق ورتالىقتىڭ جاڭا تۋعان نارەستەلەرگە ارنالعان رەانيماسيا ءبولىمى 2003 جىلدان باستاپ جۇمىس ىستەيدى. ءبولىم رەسپۋبليكانىڭ ءار ايماعىنان ساناۆياسيا جەلىسى بويىنشا كەلىپ تۇسكەن نارەستەلەرگە جوعارى بىلىكتى مامانداندىرىلعان شۇعىل جانە جوسپارلى مەديسينالىق كومەك كورسەتەدى.
بولىمدە حيرۋرگيالىق پاتولوگيالاردىڭ كوپتەگەن تۇرلەرىنە شالدىققان، اتاپ ايتقاندا وڭەش اترەزياسى، دياگفراگمالىق جارىق، ءارتۇرلى ىشەك تارىلۋى، گاستروشيزيس، ومفالوسەللە، انۋسااترەزياسى، سونىمەن قاتار شالا تۋعان نارەستەلەردەگى رەتينوپاتيا، وكپە قىزمەتىنىڭ كۇردەلى بۇزىلىستارى، ءتۇرلى سوماتيكالىق پاتولوگيالارى بار جانە ت.ب. شالا تۋعان سابيلەر مەن اۋىر جاعدايداعى كىشكەنتاي پاسيەنتتەرگە كومەك كورسەتىلەدى.
ءبولىم 6 توسەك-ورىنعا ارنالعان. ءبولىم نەوناتالدى بلوكتا ورنالاسقان جانە ونىڭ قۇرىلىمىنا نەوناتالدى وتا جاساۋ ءبولىمى كىرەدى. مەديسينالىق كومەك كورسەتۋ جۇمىسى انەستەزيولوگ-رەانيماتولوگ، انەستەزيولوگ مەيىربيكەلەر، كىشى مەديسينا پەرسونالدارىنىڭ ءجىتى قاداعالاۋىندا تاۋلىك بويى جۇرگىزىلەدى.
بارلىق قاجەتتى ۋلترادىبىستىق جانە رەنتگەنولوگيالىق زەرتتەۋلەر، زەرتحانالىق-دياگنوستيكالىق ءىس-شارالار تاۋلىك بويى جۇزەگە اسىرىلادى.
جاڭا كەلبەتتەگى بولىمگە كىشكەنتاي پاسيەنتتەرىمىزدىڭ اتا-انالارى ءدان ريزا.