سۋ رەسۋرستارى جانە يرريگاسيا ۆيسە-مينيسترى نۇرلان الدامجاروۆ وكق الاڭىندا ۆەدومستۆو قۇرىلعاننان بەرى اتقارىلعان جۇمىستار تۋرالى ايتتى.
باسپا ءسوز كونفەرەنسياسى بارىسىندا سپيكەر 1 جىل ىشىندە نەگىزگى 2 قۇجات ازىرلەنگەنىن اتاپ ءوتتى، دەپ حابارلايدى aqshamnews.kz.
ءبىرىنشىسى - 2030 جىلعا دەيىن سۋ رەسۋرستارىن باسقارۋدى دامىتۋدىڭ تۇجىرىمداماسى. وندا جالپى 160-قا جۋىق ءىس-شارا قاراستىرىلعان، ونىڭ ىشىندە، 42 جاڭا سۋ قويماسىن سالۋ، 37 سۋ قويماسىن قالپىنا كەلتىرۋ جوسپارلانعان. بۇل – 2 ملرد تەكشە مەتر سۋدى جيناۋعا مۇمكىندىك بەرەدى. سونداي-اق 14،5 مىڭنان استام شاقىرىم يرريگاسيالىق جۇيەلەر قالپىنا كەلتىرىلەدى.
«ەكىنشىسى - جاڭا سۋ كودەكسى. قۇجات ءقازىر ءماجىلىستىڭ قاراۋىندا جانە جىل سوڭىنا دەيىن قابىلدانادى. سونىمەن قاتار يەسىز قالعان سۋ شارۋاشىلىق نىساندارى مەملەكەت مەنشىگىنە قابىلداندى، وزگە جۇمىستار جالعاسىن تابادى»، دەدى ۆيسە-مينيستر.