سايىسقا قاتىسۋعا 200-دەن استام ءتۇرلى ماماندىق يەسى ءوتىنىش بىلدىرگەن.
ەلوردادا «جاڭا قازاقستاننىڭ 100 جاڭا ەسىمى» رەسپۋبليكالىق بايقاۋى مارەسىنە جەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
حابار24 جازۋىنشا، سايىسقا قاتىسۋعا ەلدىڭ تۇكپىر-تۇكپىرىنەن 200-دەن استام ءتۇرلى ماماندىق يەسى ءوتىنىش بىلدىرگەن. بايقاۋ شارتىنا سايكەس، ءاربىر قاتىسۋشى «ەل دامۋىنا قوسقان ۇلەسىم» تاقىرىبىندا بەينەبايان ازىرلەدى. وسىلايشا ءادىلقازى مۇشەلەرى ۇزدىكتەردى انىقتاپ، جۇيرىك شىققان 100 ازامات «جاڭا ەسىم» توسبەلگىسى جانە ءبىرىنشى دارەجەلى ديپلوم يەگەرى اتاندى. شارا «جاڭا قازاقستان» قوعامدىق بىرلەستىگىنىڭ مۇرىندىق بولۋىمەن ۇيىمداستىرىلىپ وتىر.
«بۇل شارانىڭ ماقساتى – حالىقتىڭ اراسىندا تانىمال بولماعان ازاماتتاردى تانىتۋ. جەڭىمپاز اتانعاندار وزدەرىنىڭ ماقسات مۇراتتارىن ايقىنداي الادى. ونى ءبىز قوعامدىق نەگىزدە حالىقتىڭ الدىندا وسى ازاماتتاردى تانىتامىز. كونكۋرسقا قاتىسقانداردىڭ ىشىندە دارىگەرلەر، كاسىپكەرلەر، جاس عالىمدار، ودان باسقا مۇعالىمدەر قاتىسىپ وتىر»، - دەدى «جاڭا قازاقستان» قب ءتوراعاسى ماعجان سادىحان ۇلى.