الماتى مۋزەيىندە «جاڭا قازاقستان. جاڭارۋ» رەسپۋبليكالىق سيمپوزيۋمىنىڭ كورمەسىنىڭ اشىلۋى وتەدى.
جوبانىڭ ۇيىمداستىرۋشىلارى – الماتى قالاسى مادەنيەت باسقارماسىنا قاراستى «الماتى قالاسى مۇراجايلار بىرلەستىگى» كمقك جانە قازاقستان رەسپۋبليكاسى سۋرەتشىلەر وداعى. سيمپوزيۋم 2022 جىلدىڭ 6-16 جەلتوقسان ارالىعىندا وتەدى، دەپ حابارلايدى اlmaty-akshamy.kz.
جوباعا قازاقستاننىڭ 14 وڭىرىنەن كەلگەن سۋرەتشىلەر قاتىسادى، ولاردىڭ ءارقايسىسى جوبا بارىسىندا سۋرەتشىنىڭ ءومىر بويعى ميسسياسى مەن قىزمەتىنىڭ ەرەكشەلىگى تۋرالى وي-تولعاۋلارىمەن بولىسەدى.
ءار كەزەڭنىڭ سۋرەتشىلەرى كەسكىندەمە نەمەسە گرافيكالىق ماسسالارمەن ءارتۇرلى جۇمىس ىستەپ كەلدى. مىسالى، رەنەسسانس سۋرەتشىلەرى نازىك تاسىلدەرمەن جۇمىس ىستەپ، تالعامپاز بولىپ كەلدى، حح عاسىر قىلقالامعا قاتىگەزدىك پەن دورەكىلىك الىپ كەلدى. سوسياليستىك رەاليزمنىڭ شەڭبەرىنەن شىققان قازىرگى قازاقستاندىق سۋرەتشىلەر كوركەمدىك ماسسامەن باقسىلار سەكىلدى جۇمىس جاسايدى، ولاردىڭ شىعارمالارىندا دالا – جازىقتىق ستيليزاسياسى بار. قازاق دالاسىنان كورنەكى ماڭىزدى ەلەمەنتتەرىن، كوشپەندىلەردىڭ فيلوسوفياسى مەن قۇندىلىقتارىن بەينەلەيتىن گرافيكالىق بەلگىلەردى بايقاۋعا بولادى. شىعارماشىلىق جۇمىستىڭ ناتيجەسىن بولجاۋ مۇمكىن ەمەس، ويتكەنى ناتيجەنىڭ بولجامسىزدىعى – بۇل ناعىز ونەر مەن قولونەردىڭ ايىرماشىلىقتارىنىڭ ءبىرى.
سيمپوزيۋمنىڭ اتاۋىنا ەلىمىزدىڭ ساياسي جاڭعىرتۋ باعدارلاماسى، قازاقستاننىڭ دامۋ ستراتەگياسى جانە سۋرەتشىنىڭ قىزمەتىن قايتا فورماتتاۋ فورمۋلاسى ەنگىزىلگەن. جوبا اياسىندا سۋرەتشىلەر قازاقستاندىق ونەر، الەۋمەتتانۋ، تاريح زەرتتەۋشىلەرىنىڭ دارىستەرىن تىڭداپ، سپيكەرلەر پىكىرتالاسقا تۇسەدى. ءوز جۇمىستارىندا جانە پىكىرتالاستاردا سۋرەتشىلەر كرەاتيۆتى سالا ماماندارىنىڭ ماڭىزدىلىعى تۋرالى وي قوزعايدى.
كورمە الماتى قالاسى، قابانباي باتىر كوشەسى، 132 مەكەنجايىندا وتەدى. 15 جەلتوقسان كۇنى ساعات 16:00 باستالىپ، اعىمداعى جىلدىڭ 21 جەلتوقسانىنا دەيىن جالعاسادى.