وقۋ-اعارتۋ ءمينيسترى اسحات ايماعامبەتوۆ ءبىلىم جانە عىلىم ءمينيسترى كەزىندەگى قىزمەتى تۋرالى ەسەپ بەردى.
وندا ول جاڭا وقۋ جىلىنان باستاپ ۋنيۆەرسيتەت رەكتورلارى حالىق الدىندا ەسەپ بەرىپ وتىراتىنىن ايتتى، دەپ حابارلايدى Almaty-akshamy.kz.
«جوعارى وقۋ ورىندارى كوممەرسيالىق ەمەس، اكسيونەرلىك قوعام فورماسىنا كوشىرىلدى. بۇل تۇسكەن تابىستى مەملەكەتتىك بيۋدجەتكە جىبەرمەي، ۋنيۆەرسيتەتتى دامىتۋ ءۇشىن باعىتتاۋعا مۇمكىندىك بەرەدى. كورپوراتيۆتىك باسقارۋ – ۋنيۆەرسيتەتتەردى دامىتۋدىڭ وتە پەرسپەكتيۆالى قۇرالى. ارينە، بۇل رەفورما بارلىق رەكتوردىڭ كوڭىلىنەن شىقتى دەپ ايتۋ قيىن، ويتكەنى ەندى ۋنيۆەرسيتەت بيۋدجەتىن تەك رەكتور ءبىر ءوزى عانا باقىلاپ، باسقارا المايدى»، - دەپ جازدى مينيستر ءوزىنىڭ Facebook پاراقشاسىندا.
ونىڭ ايتۋىنشا، ديرەكتورلار كەڭەسى مەن جوو باسقارمالارى رەكتور ءوز پوزيسياسىن قورعاي الاتىن القالى ورگاندار رەتىندە ارەكەت ەتەدى.
ديرەكتورلار كەڭەسىنە ازاماتتىق قوعام وكىلدەرىنىڭ كوپتەپ تارتىلعانى دا وتە ماڭىزدى.
«ەندى ۇلتتىق جوعارى وقۋ ورىندارى عانا ەمەس، بارلىق ۋنيۆەرسيتەتتىڭ رەكتورلارى جىل سايىن قول جەتكىزگەن اكادەميالىق كورسەتكىشتەر جايىندا عانا ەمەس، بيۋدجەتتىڭ اتقارىلۋى تۋرالى دا حالىق الدىندا ەسەپ بەرۋى ءتيىس»، - دەدى اسحات ايماعامبەتوۆ.