«قتج» ۇك» اق دەرەكتەرى بويىنشا 2024/2025 جىلعى قىركۇيەك – ناۋرىزدىڭ 10 كۇنى ارالىعىندا 7،7 ملن توننا ءداندى داقىل تاسىمالداندى، ونىڭ ىشىندە 1،6 ملن تونناسى ەل ىشىندە، ال 6،1 ملن تونناسى ەكسپورتقا جونەلتىلدى. ەكسپورت كولەمى 52،8%-عا ارتتى، دەپ حابارلايدى aqshamnews.kz.
وزبەكستانعا 2،3 ملن توننا جونەلتىلىپ، 2023/2024 جىلعى ۇقساس كەزەڭمەن سالىستىرعاندا 32%-عا ءوستى. تاجىكستانعا – 899 مىڭ توننا (+50%)، اۋعانستانعا – 256 مىڭ توننا (+37،6%)، ال قىرعىزستانعا جەتكىزىلىمدەر 1،7 ەسەگە ارتىپ، 76 مىڭ توننادان 233 مىڭ تونناعا جەتتى. يرانعا جونەلتىلىمدەر 17،5 ەسەگە ارتىپ، 718 مىڭ توننانى، ءازىربايجانعا – 94،7 ەسەگە ارتىپ، 379 مىڭ توننانى قۇرادى.
ايتا كەتەيىك، 2024 جىلدىڭ قورىتىندىسى بويىنشا 10،6 ملن توننا ءداندى داقىل تاسىمالداندى، ونىڭ ىشىندە 2،5 ملن تونناسى ەل ىشىندە، 8،1 ملن تونناسى ەكسپورتقا شىعارىلدى. سونداي-اق، 3،2 ملن توننا ۇن تاسىمالداندى، ونىڭ ىشىندە 817 مىڭ تونناسى قازاقستان ىشىندە، ال 2،4 ملن تونناسى ەكسپورتقا شىعارىلىپ، 3%-عا ءوستى.