ءموبيلدى قوسىمشا ارقىلى تۇرعىلىقتى جەر مەن ۋاقىتشا مەكەنجاي بويىنشا تىركەۋ راسىمدەۋگە بولادى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«Kaspi.kz ءىىم كوشى-قون قىزمەتى كوميتەتىمەن، سيفرلىق دامۋ، ادىلەت مينيسترلىكتەرىمەن بىرلەسىپ جاڭا سەرۆيستى ىسكە قوستى. ەندى ءوز سمارتفونىڭىزدىڭ ەكرانىندا جانە وسى بانكتىڭ قوسىمشاسىندا تۇرعىلىقتى جەرىڭىز بەن مەكەنجاي بويىنشا ۋاقىتشا نەمەسە تۇراقتى تىركەۋدى راسىمدەي الاسىز. بۇل قىزمەت ءوزىڭىزدى، بالالارىڭىزدى، پاتەرىڭىزدەگى باسقا ادامداردى تىركەۋگە نەمەسە تىركەۋدەن شىعارۋعا مۇمكىندىك بەرەدى»، - دەدى ىشكى ىستەر مينيسترلىگىنىڭ وكىلى شۇعىلا تۇرلىبەك ۆەدومستۆونىڭ ونلاين-بريفينگىسىندە.
ونىڭ ايتۋىنشا، تىركەۋ كەزىندە جسن ەنگىزۋ جەتكىلىكتى، ال ءاتى-جونى مەن مەكەنجايى اۆتوماتتى تۇردە انىقتالادى.
«بۇل قىزمەتتى پايدالانۋ ءقاۋىپسىز. تىركەلۋ كەزىندە فوتوۆەريفيكاسيادان ءوتۋ كەرەك، ول ءسىزدىڭ اتىڭىزدان قىزمەتتى ەشكىم پايدالانا المايتىنىنا كەپىلدىك بەرەدى. ازاماتتارعا سمارتفوندا كولىكتى تىركەۋ، جۇرگىزۋشى كۋالىگىن بەرۋ، تۇرعىلىقتى جەرى بويىنشا تىركەۋ جانە ەسەپتەن شىعارۋ سياقتى سۇرانىسقا يە مەملەكەتتىك قىزمەتتەر قولجەتىمدى»، - دەدى شۇعىلا تۇرلىبەك.