قازاقستان رەسپۋبليكاسى ۇكىمەتىنىڭ قاۋلىسىمەن سەرىك مارات ۇلى جاراسبايەۆ قازاقستان رەسپۋبليكاسىنىڭ مادەنيەت جانە سپورت ۆيسە-مينيسترى لاۋازىمىنا تاعايىندالدى
بۇل تۋرالى ق ر پرەمەر-مينيسترىنىڭ باسپا ءسوز قىزمەتى جاريالادى، دەپ حابارلايدى Almaty-akshamy.kz
سەرىك جاراسبايەۆ 1984 جىلى سولتۇستىك قازاقستان وبلىسىندا دۇنيەگە كەلگەن. م.قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن، رەسەي حالىقارالىق وليمپيادا ۋنيۆەرسيتەتىن ءتامامداعان. ماماندانۋى — دەنە شىنىقتىرۋ جانە سپورت، مەملەكەتتىك جانە جەرگىلىكتى باسقارۋ، سپورتتىق اكىمشىلەندىرۋ.
2006-2007 جىلدارى پەتروپاۆلداعى بالالار مەن جاسوسپىرىمدەر سپورت مەكتەبىندە بوكستان جاتتىقتىرۋشى-وقىتۋشى، نۇسقاۋشى-سپورتشى بولىپ جۇمىس ىستەدى. 2007-2010 جىلدارى — سولتۇستىك قازاقستان وبلىسى تۋريزم، دەنە شىنىقتىرۋ جانە سپورت باسقارماسىنىڭ باس مامانى، وقۋ-سپورت ءبولىمىنىڭ باسشىسى.
2011-2012 جىلدارى ق ر تۋريزم جانە سپورت مينيسترلىگىنىڭ سپورت كوميتەتىنىڭ عىلىمي-ادىستەمەلىك قامتاماسىز ەتۋ، يننوۆاسيالىق تەحنولوگيالار جانە ءبىلىم باسقارماسىنىڭ ساراپشىسى، باس ساراپشىسى؛ سقو تۋريزم، دەنە شىنىقتىرۋ باسقارماسى باسشىسىنىڭ ورىنباسارى بولىپ جۇمىس ىستەدى.
2012-2014 جىلدارى ق ر سپورت جانە دەنە شىنىقتىرۋ ىستەرى اگەنتتىگىنىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ جازعى سپورت تۇرلەرى باسقارماسىنىڭ باسشىسى، سپورت جانە دەنە شىنىقتىرۋ ىستەرى اگەنتتىگىنىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ ديرەكتورى قىزمەتتەرىن اتقارعان.
2014-2018 جىلدارى ق ر مسم سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى بولدى.
2018-2019 جىلدارى ق ر مسم سپورت جانە دەنە شىنىقتىرۋ ىستەرى كوميتەتىنىڭ ءتوراعاسى قىزمەتىن اتقاردى.
2019-2021 جىلدارى — ق ر مسم سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى.
2021 جىلعى ساۋىردەن باستاپ قازىرگى ۋاقىتقا دەيىن — «قازاقستاندىق كەرلينگ، ەدەندىك كەرلينگ جانە پەتانگا فەدەراسياسى» رقب ءبىرىنشى ۆيسە-پرەزيدەنتى.