كونستيتۋسيالىق سوت ءتوراعاسىنىڭ ورىنباسارى باقىت نۇرمۇحانوۆ كونستيتۋسيالىق كوميسسيانىڭ كەزەكتى وتىرىسىندا جاڭا كونستيتۋسيا جوباسى قوعام مەن مەملەكەتتىڭ دامۋىنداعى ستراتەگيالىق مىندەتتەرگە جاۋاپ بەرەتىنىن جانە قازاقستان مەملەكەتتىلىگىنىڭ نەگىزدەرىن نىعايتۋعا باعىتتالعانىن ايتتى، - دەپ حابارلايدى Aqshamnews.kz.
ونىڭ سوزىنشە، جوبادا ۇسىنىلعان جاڭاشىلدىقتار ەلىمىزدە قالىپتاسقان مەملەكەتتىلىكتىڭ كونستيتۋسيالىق نەگىزدەرىن كۇشەيتە وتىرىپ، قايتا بەكىتەدى. ادام قۇقىقتارى مەن كونستيتۋسيا نەگىزىندە قۇقىق ۇستەمدىگىن قامتاماسىز ەتۋگە قاجەتتى جاعدايلار جاسايدى. سپيكەر كونستيتۋسيا جوباسىنداعى ەرەجەلەر «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» تۇجىرىمداماسىنىڭ لوگيكاسىنا ساي كەلەتىنىن، ەلدىڭ ودان ءارى دامۋى ءۇشىن مىزعىماس ينستيتۋسيونالدىق نەگىز قالىپتاستىراتىنىن اتاپ ءوتتى.
«كونستيتۋسيا جوباسىنا ەنگىزىلگەن ەرەجەلەر قوعام مەن مەملەكەت ەۆوليۋسياسىنىڭ جاڭا ءبىر كەزەڭىن اشۋعا نەگىز قالايدى»، – دەدى كونستيتۋسيالىق سوت ءتوراعاسىنىڭ ورىنباسارى.
سونىمەن بىرگە باقىت نۇرمۇحانوۆ كونستيتۋسيالىق كوميسسيا مۇشەلەرىنىڭ، سونداي-اق بەلسەندى ازاماتتار مەن ۇيىمداردىڭ ۇسىنىمدارى ارا قاراي جۇمىس بارىسىندا دا قۇندى ازىق بولاتىنىن جەتكىزدى.