قاڭتار ايىنان باستاپ ASHYQ قوسىمشاسىمەن «جاسىل» مارتەبەسى بار ادامداردىڭ كىرۋىنە رۇقسات بەرىلەتىن نىساندار ءتىزىمى كەڭەيەدى
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«ساۋدا ويىن-ساۋىق ورتالىقتارىنا، ساۋدا ۇيلەرىنە، سپورت ورتالىقتارى مەن فيتنەس-ورتالىقتارعا، يوگا ورتالىقتارىنا، كاراوكە، باسسەين، ساۋنالارعا، مونشالارعا، «قازپوشتا» بولىمشەلەرىنە، حالىققا قىزمەت كورسەتۋ ورتالىقتارىنا ASHYQ قوسىمشاسىمەن «جاسىل» ستاتۋسى بار ادامداردىڭ كىرۋىنە رۇقسات بەرۋ جونىندە قوسىمشا الدىن الۋ ءىس-شارالارىن ەنگىزۋدى ۇسىنامىز»، - دەدى ول.
وسى رەتتە مينيستر مىندەتىن اتقارۋشى اتالعان نورمانى 2022 جىلدىڭ 5 قاڭتارىنان باستاپ ەنگىزۋدى ۇسىناتىنىن ايتتى.
«حالىقتى ۆاكسينا سالۋ، جاپپاي ريەۆاكسينا جاساۋدى ارتتىرۋ، سونداي-اق ۇسىنىلاتىن ەپيدەمياعا قارسى ءىس-شارالار ەلدەگى جاعدايدىڭ ناشارلاۋىنا جول بەرمەيدى»، - دەدى جاندوس بۇركىتبايەۆ.