شەكتەۋلەر قاتاڭداتىلىپ جاتىر
ەۋروپانىڭ ءبىرقاتار ەلدەرىندە كوروناۆيرۋستىڭ ورشۋىنە بايلانىستى كارانتين شەكتەۋلەرى قاتاڭداپ جاتىر، دەپ حابارلايدى Almaty-akshamy.kz
قاڭتار ايىنىڭ ورتاسىنان باستاپ فرانسيادا باسقا ەلدەردەگىدەي «ۆاكسينا قۇجاتى» ىسكە قوسىلىپ، قولىندا پتر تەرىس ناتيجەسى بار ادامدار ەندى كوپشىلىك شارالار، مەيرامحانالار جانە ۇقساس جەرلەرگە بارا الماۋى مۇمكىن. ءبىراق ءتيىستى زاڭدى ءالى پارلامەنت بەكىتۋى ءتيىس.
پاريجدە قايتا ۆاكسينا الۋدىڭ ءتورتىنشى دوزاسى ەنگىزىلەتىنىنى جوققا شىعارىلمادى. الايدا رەسپۋبليكا بيلىگى لوكداۋن ەنگىزبەۋدى ۋادە ەتىپ وتىر. بەرليندە جاڭا شەكتەۋلەر سەيسەنبىدەن باستاپ كۇشىنە ەنەدى. ەندى ەلدە ۆاكسينا العان ون ادامنان، ەكپە سالىنباعان ەكىدەن كوپ ادام كەزدەسە المايدى، تۇنگى كلۋبتار جابىلۋدا، ال سپورت شارالارى كورەرمەنسىز وتەدى. اۆستريادا شەكتەۋلەر دۇيسەنبىدەن باستاپ كۇشىنە ەنگەن.
ەندى ەلدەگى مەيرامحانالار كەشكى ساعات 10-نان جابىلۋعا مىندەتتى. انگليادا، كەرىسىنشە، جاڭا جىلعا قاراي شەكتەۋلەر ەنگىزبەۋ جونىندە شەشىم قابىلداندى. بريتاندىق پرەمەر بوريس دجونسون تۇنگى كلۋبتار، بي ورىندارى مەن مەيرامحانالاردىڭ وزدەرىنە ىڭعايلى ۋاقىتتا جۇمىس ىستەي الاتىنىن قاۋلى ەتتى. الايدا قۇراما كورولدىكتىڭ قالعان باسقا بولىكتەرى – شوتلانديا، ۋەلس جانە سولتۇستىك يرلانديا كوپشىلىك جينالاتىن ۇيىمدار جۇمىسى مەن جەكە كەزدەسۋلەرگە قاتىستى قاتاڭ شەكتەۋلەر ەنگىزگەن. ليسسابون اۋەجايىندا ۇشار الدىندا پتر تەستىن تاپسىرىپ ۇلگەرمەگەن مىڭداعان ساياحاتتاۋشى قالىپ قويعان: اۋەجاي زەرتحاناسىندا تەست وتكىزۋگە ارنالعان ماتەريالدار تاۋسىلىپ قالدى.
كريسماس الدىنداعى كۇندەرى زەرتحانا ءۇزىلىسسىز جۇمىس ىستەدى. جولاۋشىلارعا بىرنەشە ساعات توسىپ تۇرۋعا نە بيلەتتەرىن اۋىستىرۋعا تۋرا كەلگەن.