زاڭداعى وزگەرىستەر 1 قاڭتاردان كۇشىنە ەنەدى.
اكىمدەردى سايلاۋ ءۇش كەزەڭدە وتەدى، دەپ حابارلايدى Almaty-akshamy.kz
2025 جىلدان باستاپ اۋدان-قالا اكىمدەرىنىڭ بارلىعى سايلاۋ ارقىلى قىزمەتكە كەلەدى.
ەلىمىزدە ساياسي ناۋقان وتكىزۋ پروسەسىن جەتىلدىرۋگە باعىتتالعان بىرنەشە وزگەرىس ەنگىزىلدى. اكىمدەردى سايلاۋ ءۇش كەزەڭدە وتەدى. 2023 جىلى اكىمشىلىك-اۋماقتىق بىرلىكتەردىڭ – 25 پايىزى، 2024 جىلى - 25، ال 2025 جىلى بارلىق اۋدان مەن وبلىستىق ماڭىزى بار قالا اكىمدەرى سايلاۋ ارقىلى تاعايىندالادى.
ادىلەت ءمينيسترىنىڭ ورىنباسارى الما مۇقانوۆانىڭ ايتۋىنشا، زاڭعا ەنگىزىلگەن وزگەرىستەر كەلەسى جىلى 1 قاڭتاردان باستاپ كۇشىنە ەنەدى. ال 20 قاراشاداعى كەزەكتەن تىس پرەزيدەنت سايلاۋى قازىرگى زاڭ بويىنشا وتكىزىلەدى ەكەن.
«سايلاۋ پروسەسىن جەتىلدىرۋگە باعىتتالعان وزگەرىستەر ەنگىزىلدى – بۇل الەۋمەتتىك جەلىلەردەگى ۇگىت-ناسيحاتقا رۇقسات بەرۋ، اۋماقتىق سايلاۋ كوميسسيالارىن كاسىبي نەگىزگە اۋىستىرۋ، سايلاۋ قورلارىنا ەرىكتى قايىرىمدىلىقتاردىڭ شەكتى مولشەرىن بەلگىلەۋ جانە باسقا دا وزگەرىستەر»، – دەدى ق ر ادىلەت ۆيسە-مينيسترى الما مۇقانوۆا.