الماتى اكىمى ەربولات دوسايەۆ ەقىۇ-نىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ ق ر پرەزيدەنتىنىڭ كەزەكتەن تىس سايلاۋىن باقىلاۋ جونىندەگى حالىقارالىق ميسسياسىنىڭ باسشىسى ۋرشۋلا گاسەكپەن كەزدەستى، - دەپ حابارلايدى almaty-akshamy.kz
كەزدەسۋگە سونداي-اق ۇزاق مەرزىمدى باقىلاۋشىلار – فرانسيادان كەلگەن مولەر سيلۆان مەن چەرنوگوريادان كەلگەن ماييا بەليچ قاتىستى.
قالا اكىمى ەربولات دوسايەۆ ەقىۇ تاراپىنان كورسەتىلگەن كونسۋلتاتيۆتىك قولداۋعا العىسىن ءبىلدىردى جانە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا دايىندىق بارىسى تۋرالى حاباردار ەتتى.
بۇگىندە الماتىدا 600 سايلاۋ ۋچاسكەسى ۇيىمداستىرىلدى، سايلاۋشىلار ءتىزىمى قالىپتاستىرىلدى، اقپاراتتاندىرۋ ارنالارى ىسكە قوسىلدى، ولار: ءبىرىڭعاي ءنومىرى «1315» call-ورتالىعى، اكىمدىكتىڭ Open Almaty قوعامدىق قابىلداۋ سايتىنداعى سەرۆيس جانە Telegram Bot (@almaty_sailau2022_bot).
ءوز كەزەگىندە ۋرشۋلا گاسەك ميسسيانىڭ جۇمىس ساپارلارى تۋرالى اقپاراتپەن ءبولىستى. بۇگىندە باقىلاۋشىلار مەملەكەتتىك ورگانداردىڭ، ساياسي پارتيالاردىڭ، ازاماتتىق قوعام مەن بۇقارالىق اقپارات قۇرالدارىنىڭ وكىلدەرىمەن كەزدەسۋلەر وتكىزۋدە. سايلاۋ كۇنى ميسسيا مۇشەلەرى سايلاۋ ۋچاسكەلەرىنىڭ اشىلۋىن، داۋىس بەرۋدى، بيۋللەتەندەردى ساناۋدى جانە قورىتىندىلاردى باقىلايدى.
ەقىۇ وكىلدەرىنىڭ اقپاراتى بويىنشا، قازاقستانداعى ميسسيا نەگىزگى كوماندادان تۇرادى، ونىڭ قۇرامىنا استانادا ورنالاسقان 11 حالىقارالىق ساراپشى جانە بۇكىل ەل بويىنشا 30 ۇزاق مەرزىمدى باقىلاۋشى ەنگەن.